கன்னியாகுமரி மாவட்ட ஆட்சித் தலைவர் மு. பிரதாப் அரசு அலுவலகங்களில் பணம் கொண்டு வரும் ஊழியர்கள் கட்டாயம் பதிவு செய்ய வேண்டும் -என தமிழ்நாட்டில் முன்னுதாரணமாக சுற்றறிக்கை!
சமீபத்தில் உயர்நீதிமன்ற வழக்கு ஒன்றில் அரசு ஊழியர்கள் எவ்வளவு பணம் பணி நேரத்தில் வைத்லிருக்கலாம் என பதில் மனு தாக்கல் செய்ய உத்தரவிட்டிருந்த நிலையில் இந்த சர்க்குலர் தற்போது பேசு பொருளாகிறது,
"பணத்தைப் பதிவு செய்யத் தவறினால் ஊழல் குற்றச்சாட்டு" - உயர் நீதிமன்ற கேள்விக்கு பதிலளிக்கும் வகையில் கன்னியாகுமரி மாவட்ட ஆட்சியரின் இந்த அதிரடி நடவடிக்கை சமீபத்தில் 38 அலுவலகங்களில் ரூபாய் .1.18 கோடி ஊழல் தடுப்புக் கண்காணிப்பு மற்றும் ஞ்ச ஒழிப்புத் துறை பறிமுதல்; செய்த நிலையில் ஜூலை மாதம் மட்டும் 24 பேர் கைது - அதன் பின்னணியில் வெளியான இந்த சுற்றறிக்கை! தற்போது பேசு பொருளாகிறது,
தமிழ்நாட்டிற்கே முன்னுதாரணமாக அமையும் வகையில், கன்னியாகுமரி மாவட்ட ஆட்சித் தலைவர் மு. பிரதாப், ஐ.ஏ.எஸ்., அதிரடியான சுற்றறிக்கையௌ பிறப்பித்துள்ளார். அரசு அலுவலகங்களுக்கு வரும் ஊழியர்கள் தாங்கள் கொண்டு வரும் பணத்தின் மூலத்தையும் தொகையையும் கட்டாயம் பதிவு செய்ய வேண்டும் என்பதே இந்த சுற்றறிக்கையின் முக்கிய அம்சமாகும். சமீபகாலமாக லஞ்ச ஒழிப்புத்துறை (DVAC) நடத்திய சோதனைகளில் கண்டறியப்பட்ட கோடிக்கணக்கான பண முறைகேடுகளின் பின்னணியில், மேலும் உயர் நீதிமன்றம் எழுப்பிய கேள்விக்கு பதிலளிக்கும் வகையில் இந்த சுற்றறிக்கை வெளியிடப்பட்டுள்ளது.
ஜூலை 27, 2026 அன்று வெளியிடப்பட்ட இந்த சுற்றறிக்கை, அரசு ஊழியர்கள் கையில் கொண்டு வரும் பணம் குறித்து தெளிவான பதிவேடு வைக்க வேண்டும் என்பதை கட்டாயமாக்குகிறது. கன்னியாகுமரி மாவட்டத்தில் உள்ள அனைத்து அரசு அலுவலகங்களுக்கும் இந்த சுற்றறிக்கை அனுப்பப்பட்டுள்ளது.
தனிப்பட்ட பணப் பதிவேடு (Personal Cash Register): ஒவ்வொரு அலுவலரும் தாங்கள் அலுவலகத்திற்கு கொண்டு வரும் பணத்தின் மூலத்தையும் தொகையையும் பதிவு செய்ய ஒரு தனிப்பட்ட பண பதிவேட்டை பராமரிக்க வேண்டும்.
இந்தப் பதிவேடு ஒவ்வொரு நாளும் மேற்பார்வை அலுவலரால் பரிசீலிக்கப்பட்டு கையொப்பமிடப்பட வேண்டும். இதன் மூலம் பதிவு செய்யப்பட்ட பணம் உடனடியாக சரிபார்க்கப்படுகிறது அலுவலக பணிகளுக்கு மிகவும் அவசியமான சந்தர்ப்பங்களில் மட்டுமே அதிக அளவு பணத்தை எடுத்துச் செல்லுமாறு அறிவுறுத்தப்பட்டுள்ளது.
பணத்தை பதிவு செய்யத் தவறினால், அது கணக்கில் வராத பணமாக (unaccounted money) கருதப்பட்டு, ஊழல் குற்றச்சாட்டுகளுக்கு ஊழியர்கள் பொறுப்பாவார்கள் என்று தெளிவாக எச்சரிக்கப்பட்டுள்ளது
இந்த சுற்றறிக்கை வெளியிடப்படுவதற்கு முன்னதாக, தமிழ்நடு முழுவதும் லஞ்ச ஒழிப்புத்துறை (DVAC) நடத்திய அதிரடி சோதனைகளில் பெரும் பண முறைகேடுகள் கண்டறியப்பட்டன.
38 அலுவலகங்களில் சோதனை: சமீபத்திய மாநிலம் தழுவிய சோதனையில், 38 அரசு அலுவலகங்களில் நடத்தப்பட்ட ஆய்வில் ரூபாய் .1.18 கோடி கணக்கில் வராத பணம் மற்றும் சந்தேகத்திற்கிடமான டிஜிட்டல் பரிவர்த்தனைகள் கண்டுபிடிக்கப்பட்டன
கடந்த ஜூலை 1 முதல் 31 வரையிலான காலகட்டத்தில், ஊழல் தடுப்புக் கண்காணிப்பு மற்றும் லஞ்ச ஒழிப்புத்துறை 24 அரசு ஊழியர்களை கைது செய்து, ரூபாய் .1.3 கோடிக்கும் மேற்பட்ட கணக்கில் வராத பணத்தை பறிமுதல் செய்துள்ளது.
ஜூலை மாதம் 17 ஆம் தேதி அன்று நடத்தப்பட்ட சிறப்பு நடவடிக்கையில், எல்லைச் சோதனைச் சாவடிகளில் ரூபாய் .9.87 லட்சம்கணக்கில் வராத பணம் பறிமுதல் செய்யப்பட்டது.
அரசு ஊழியர்கள் பணியின் போது கையில் எவ்வளவு பணம் வைத்திருக்கலாம் என்பதற்கான ஒருங்கிணைந்த வழிகாட்டுதல் இல்லாத நிலையில், மதுரை கிளை உயர் நீதிமன்ற நீதிபதி பி. புகழேந்தி அவர்கள் தமிழ்நாடு அரசிடம் கேள்வி எழுப்பியிருந்தார். அதிக அளவு பணத்தை அலுவலகத்திற்கு கொண்டு வருவதன் அவசியத்தை அரசு நிர்ணயிக்க வேண்டும் என்று அவர் குறிப்பிட்டிருந்தார்.
தற்போது கன்னியாகுமரி மாவட்ட ஆட்சியர் வெளியிட்டுள்ள இந்த சுற்றறிக்கை, அந்த கேள்விக்கான பதிலாகவும், ஊழலைத் தடுக்கும் ஒரு முக்கிய நடவடிக்கையாகவும் அமைந்துள்ளது. மேலும், இது மற்ற மாவட்ட நிர்வாகங்களுக்கும் ஒரு முன்னுதாரணமாக அமைந்துள்ளது. அரசு அலுவலகங்களில் ஊழலைத் தடுக்கும் வகையில் கன்னியாகுமரி கலெக்டர் வெளியிட்டுள்ள இந்த சுற்றறிக்கை ஒரு வரவேற்கத்தக்க நடவடிக்கை. பணப்பதிவேடு கட்டாயமாக்கப்பட்டிருப்பது, அலுவலகங்களுக்குள் நடக்கும் சந்தேகத்திற்கிடமான பணப் பரிவர்த்தனைகளை குறைக்க உதவும். கடந்த ஜூலை மாதம் மட்டும் 24 பேர் கைது செய்யப்பட்டு, ரூ.1.3 கோடி பறிமுதல் செய்யப்பட்ட நிலையில், பணப்பதிவேடு கட்டாயமாக்கப்பட்டிருப்பது ஊழல் ஒழிப்பு நடவடிக்கைகளின் தொடர்ச்சியாக அமைந்துள்ளது. இருப்பினும், இந்த சுற்றறிக்கை முறையாக செயல்படுத்தப்படுமா, மேலும் இதை மீறுபவர்கள் மீது கடுமையான நடவடிக்கை எடுக்கப்படுமா என்பதை பொதுமக்கள் உன்னிப்பாக கவனிக்க வேண்டும். ஒரு சுற்றறிக்கை மட்டும் போதாது; அதை செயல்படுத்தும் மனநிலையும், கண்காணிப்பும் அவசியம். கடந்த காலங்களில் பல சுற்றறிக்கைகள் வெளியிடப்பட்டு, அவை மறந்து போன சம்பவங்கள் உண்டு. இந்த முறை அந்த வரலாறு திரும்பக் கூடாது. மேலும், இது போன்ற சுற்றறிக்கைகள் அனைத்து மாவட்டங்களுக்கும் பொதுவானதாக அமைய வேண்டும்.
புதிய சுற்றறிக்கையின் அடிப்படையில், கன்னியாகுமரி மாவட்டத்தில் உள்ள அனைத்து அரசு அலுவலகங்களிலும் பணப்பதிவேடுகள் பராமரிக்கப்பட உள்ளன. மேலும், இந்த சுற்றறிக்கையை மீறுபவர்கள் மீது லஞ்ச ஒழிப்புத்துறை நடவடிக்கை எடுக்க வாய்ப்புள்ளது. உயர் நீதிமன்றம், இந்த சுற்றறிக்கையின் செயல்பாட்டை கண்காணித்து, தேவையான உத்தரவுகளை பிறப்பிக்கலாம். இந்த நடவடிக்கைகள், அரசு அலுவலகங்களில் ஊழலை குறைக்க உதவும். மற்ற மாவட்ட ஆட்சியர்களும் இதே போன்ற சுற்றறிக்கைகளை வெளியிட வாய்ப்புள்ளது. இனி இந்த சுற்றறிக்கை மேம்படுத்திய விபரங்களுடன் அரசாணையாக வெளிவந்தால் மட்டுமே சட்டப்பூர்வமாகச் செல்லும் அது செயல் வடிவம் பெறும், அது இப்போதா அல்லது நீதிமன்றம் வழங்கும் தீர்ப்புக்கு பின்பாகவா என்பதே எழுவினா.
கருத்துகள்