கொடநாடு கொலை, கொள்ளை வழக்கு - CB-CID விசாரணை முடிவுக்கு வருகிறதா?
2017-ஆம் ஆண்டு நீலகிரி மாவட்டம் கொடநாடு எஸ்டேட்டில் நடைபெற்ற கொலை மற்றும் கொள்ளை சம்பவம் தொடர்பாக, சிபிசிஐடி (CB-CID) விசாரணையை முடிவுக்கு கொண்டுவர திட்டமிட்டுள்ளதாக புதிய தகவல்கள் வெளியாகியுள்ளன.
கடந்த 2022 ஆம் ஆண்டு செப்டம்பரில் இந்த வழக்கு சிபிசிஐடி-க்கு மாற்றப்பட்டதில் இருந்து, முன்னாள் முதல்வர் ஜெயலலிதாவின் உதவியாளர்கள், பாதுகாவலர்கள், குற்றம் சாட்டப்பட்டவர்கள் உட்பட *சுமார் 300-க்கும் மேற்பட்டோரிடம்* தீவிர விசாரணை நடத்தப்பட்டும், உண்மையான முக்கிய குற்றவாளிகளை கண்டறியவோ, வழக்கின் இறுதி முடிவை எட்டவோ முடியவில்லை எனக் கூறப்படுகிறது.
இதன் காரணமாக, இந்த வழக்கு விசாரணையை முடிப்பது குறித்த தங்களின் இறுதி நிலைப்பாட்டை விரைவில் நீதிமன்றத்தில் அறிக்கையாக தாக்கல் செய்ய சிபிசிஐடி காவல்துறைக்கு வாய்ப்புள்ளதாக ஊடக தகவல்கள் தெரிவிக்கின்றன.
*நீதிமன்றத்தின் கேள்வி:*
கடந்த ஆகஸ்ட் 2026 விசாரணையின் போது, *செல்போன் கோபுர தரவுகள் மற்றும் தடயவியல் துறை அறிக்கைகளை* பெறுவதில் ஏற்பட்டுள்ள தாமதம் குறித்து நீதிமன்றம் கேள்வி எழுப்பியிருந்தது குறிப்பிடத்தக்கது.
*அடுத்த விசாரணை:*
நீலகிரி மாவட்ட அமர்வு நீதிமன்றத்தில் நடைபெற்று வரும் இந்த வழக்கின் அடுத்தகட்ட விசாரணை, *அக்டோபர் 16-ம் தேதிக்கு* ஒத்திவைக்கப்பட்டுள்ளது.கொடநாடு கொலை, கொள்ளை வழக்கு - முழு Timeline (துவக்கம் முதல் CB-CID வரை)
*பின்னணி:*
- கொடநாடு எஸ்டேட் 906 ஏக்கர் பரப்பளவு, மறைந்த முதல்வர் ஜெயலலிதா மற்றும் சசிகலாவுக்கு சொந்தமானது. இது ஜெ.ஜெயலலிதாவின் கோடைக்கால இல்லமாக கருதப்பட்டது
*1. 05-12-2016:* முதல்வர் ஜெ.ஜெயலலிதா மரணம்.
*2. 14-02-2017:* ஜெ. ஜெயலலிதா சொத்து குவிப்பு வழக்கில் சசிகலா நடராஜன் சிறை
*3. 23-24 ஏப்ரல் 2017 - முக்கிய சம்பவம்:*
- நள்ளிரவு 12:30 மணிக்கு, 11 பேர் கொண்ட கும்பல் இரண்டு குழுவாக எஸ்டேட்டிற்குள் நுழைந்தது. Gate No 10, Gate No 8 வழியாக புகுந்தனர்
- காவலாளி ஓம் பகதூர் கொடூரமாக கொலை, கிருஷ்ண பகதூர் படுகாயம். முன்னாள் முதல்வர் ஜெ.ஜெயலலிதா, சசிகலா நடராஜன் பயன்படுத்திய அறையின் ஜன்னல் உடைக்கப்பட்டு 4 கைக்கடிகாரங்கள், ஒரு படிக காண்டாமிருக பொம்மை, பல ஆயிரம் கோடி மதிப்புள்ள சொத்து ஆவணங்கள் திருட்டு என கூறப்பட்டது
*4. விசாரணை துவக்கம்:*
- முதல் குற்றவாளியாக ஜெயலலிதாவின் முன்னாள் டிரைவர் C.கனகராஜ் அடையாளம் காணப்பட்டார். கனகராஜ் உள்ளே ரூ.200 கோடி பணம் இருப்பதாக நம்பி தனது நண்பர் K.V.சயான் உடன் சேர்ந்து கொள்ளை திட்டம் தீட்டியதாக குற்றப்பத்திரிகை கூறுகிறது
*5. மர்ம மரணங்கள் தொடர்:*
- *28-04-2017:* சேலம்-சென்னை நெடுஞ்சாலையில் கனகராஜ் கார் விபத்தில் மரணம்
- *அதே நாள் 28-04-2017:* சயான் பாலக்காடு அருகே விபத்து - சயான் உயிர் தப்பினார், ஆனால் அவரது மனைவி மற்றும் 5 வயது மகள் பலி
- *03-07-2017:* எஸ்டேட்டின் கணினி பிரிவு ஊழியர் தினேஷ்குமார் தற்கொலை
*6. கைது மற்றும் குற்றப்பத்திரிகை:*
- 10 பேர் கைது (கேரளாவை சேர்ந்தவர்கள்). *29-11-2017:* கோத்தகிரி நீதிமன்றத்தில் இறுதி அறிக்கை தாக்கல். *04-01-2018:* உதகை அமர்வு நீதிமன்றத்திற்கு மாற்றம். *31-10-2019:* குற்றச்சாட்டு பதிவு
*7. மேத்யூ சாமுவேல் திருப்பம் (துவக்கம்):*
- *ஜனவரி 2019:* டெல்லி பத்திரிகையாளர் மேத்யூ சாமுவேலுக்கு சயான், வாளையார் மனோஜ் அளித்த வீடியோ பேட்டி. "அப்போதைய முதல்வர் எடப்பாடி பழனிசாமி தூண்டுதலில் தான் கொள்ளை நடந்தது, கனகராஜ் தன்னிடம் கூறினார்" என வாக்குமூலம். இதனால் இவர்கள் ஜாமீன் ரத்து செய்யப்பட்டு மீண்டும் கைது
*8. மறு விசாரணை:*
- *ஆகஸ்ட் 2021 முதல்:* திமுக ஆட்சிக்கு வந்த பிறகு காவல்துறை மேல் விசாரணை கோரியது, நீதிமன்றம் தொடர்ந்து வழக்கை ஒத்திவைத்தது
- *30-09-2022:* DGP சைலேந்திர பாபு உத்தரவின் பேரில் வழக்கு CB-CID-க்கு மாற்றம். ADSP முருகவேல் தலைமையில் 49 பேர் கொண்ட சிறப்பு குழு விசாரணை துவக்கம்
- 300-க்கும் மேற்பட்டோரிடம் விசாரணை - பூங்குன்றன், சுதாகரன், சசிகலா, சஜீவன் உட்பட
*9. தற்போதைய நிலை (2026):*
- *ஆகஸ்ட் 2026:* செல்போன் கோபுர தரவுகள் மற்றும் தடயவியல் அறிக்கை தாமதம் குறித்து நீலகிரி நீதிமன்றம் கேள்வி.
- *அக்டோபர் 16:* அடுத்த விசாரணை தேதி.
- CB-CID தனது இறுதி அறிக்கையை தாக்கல் செய்து வழக்கை முடிக்க திட்டமிட்டுள்ளதாக தகவல்*CBI விசாரணைக்கு மாற்றப்பட சட்டப்படி 3 வழிகள் தான் உள்ளது:*
*1. மாநில அரசே கோரிக்கை விடுதல்:*
தமிழக அரசு தானாக முன்வந்து CBI-க்கு பரிந்துரை செய்யலாம். ஆனால் இந்த வழக்கை 2022-ல் CB-CID-க்கு மாற்றியதே திமுக அரசு தான். தற்போது CB-CID விசாரணையை முடிக்க முயல்வதாக கூறப்படுவதால், அரசு தரப்பில் இருந்து CBI-க்கு கோரிக்கை வர வாய்ப்பு மிக குறைவு.
*2. உயர்நீதிமன்றம் / உச்சநீதிமன்றம் உத்தரவு:*
யாராவது ஒருவர் (பாதிக்கப்பட்டவரின் குடும்பம், அல்லது எதிர்க்கட்சி) நீதிமன்றத்தில் "CB-CID விசாரணை நியாயமாக இல்லை, CBI விசாரணை வேண்டும்" என மனு தாக்கல் செய்தால் மட்டுமே நீதிமன்றம் CBI-க்கு மாற்ற உத்தரவிட முடியும்.
கொடநாடு வழக்கில் ஏற்கனவே அதிமுக தரப்பு 2021-22-ல் இது போன்ற கோரிக்கை வைத்தது, ஆனால் நீதிமன்றம் ஏற்கவில்லை. காரணம், CB-CID விசாரணை தொடர்ந்து நடைபெற்று வருகிறது என்பது.
*3. தற்போதைய சூழல்:*
CB-CID தனது இறுதி அறிக்கையை தாக்கல் செய்தால், அந்த அறிக்கையில் திருப்தி இல்லை என யாராவது எதிர்ப்பு தெரிவித்து, "முக்கிய குற்றவாளிகள் தப்பிக்க வைக்கப்பட்டுள்ளனர்" என நீதிமன்றத்தில் மனு போட்டால் மட்டுமே CBI வாய்ப்பு உருவாகும்.
*பப்ளிக் ஜஸ்டிஸ் பார்வை:*
தற்போதைய நிலையில் *CBI-க்கு மாற வாய்ப்பு 10% கூட இல்லை.* ஏனென்றால்:
- வழக்கு கிட்டத்தட்ட 9 ஆண்டுகள் பழமையானது
- CB-CID 49 பேர் குழு 300 பேரை விசாரித்துவிட்டது
ஆனால், அக்டோபர் 16-ம் தேதி நீதிமன்றத்தில் CB-CID "விசாரணை முடிந்தது" என அறிக்கை தாக்கல் செய்யும் போது, நீதிபதி அதை ஏற்காமல், "தடயவியல் அறிக்கை, செல்போன் டவர் டேட்டா வரும் வரை விசாரணை முடிக்கக் கூடாது" என உத்தரவிட்டால், வழக்கு இன்னும் இழுக்கும். அப்போது தான் CBI கோரிக்கைக்கான கதவு திறக்கும்.கொடநாடு: 3 மாதத்தில் 5 மர்ம மரணங்கள் - இன்னும் விடை தெரியாத கேள்விகள்"* அதன் உண்மையான புகைப்படங்கள் நீதிமன்றம் வழக்கு உள்ள காரணத்தால் பயன்படுத்த முடியாத காரணத்தால் Icon முறையில் உள்ளது
*1. ஓம் பகதூர்* - காவலாளி, 24 ஏப்ரல் 2017 அன்று கொலை செய்யப்பட்டார்
*2. சி. கனகராஜ்* - முக்கிய குற்றவாளி, ஜெயலலிதாவின் முன்னாள் டிரைவர், 28 ஏப்ரல் 2017 சேலம் அருகே சாலை விபத்தில் மரணம்
*3 & 4. சயானின் மனைவி மற்றும் 5 வயது மகள்* - அதே நாள் 28 ஏப்ரல் 2017 பாலக்காடு அருகே நடந்த விபத்தில் மரணம், சயான் மட்டும் உயிர் தப்பினார்
*5. தினேஷ் குமார்* - கொடநாடு எஸ்டேட் கணினி ஆபரேட்டர், 3 ஜூலை 2017 அன்று தற்கொலை செய்துகொண்டதாக கூறப்பட்டது
ஆனால், அக்டோபர் 16-ம் தேதி நீதிமன்றத்தில் CB-CID "விசாரணை முடிந்தது" என அறிக்கை தாக்கல் செய்யும் போது, நீதிபதி அதை ஏற்காமல், "தடயவியல் அறிக்கை, செல்போன் டவர் டேட்டா வரும் வரை விசாரணையை முடிக்கக் கூடாது" என நீதிமன்றம் உத்தரவிட்டால், வழக்கு இன்னும் இழுக்கும். அப்போது தான் CBI கோரிக்கைக்கான கதவு திறக்கும்.கோடநாடு மேத்யூ சாமுவேல் மீது தாக்கல் செய்யப்பட்ட வழக்குகள்,தீர்ப்பு தொகுப்பு
*1. முதல் வழக்கு - அவதூறு வழக்கு (Defamation Suit)*
- *வழக்கு எண்:* CS No. 48 of 2019, சென்னை உயர் நீதிமன்றம்
- *தாக்கல் செய்தவர்:* அப்போதைய முதல்வர் எடப்பாடி பழனிசாமி
- *எதிர் மனுதாரர்கள்:* மேத்யூ சாமுவேல், அவரது 4 நாரதா பத்திரிகையாளர்கள், மற்றும் கொடநாடு குற்றவாளிகள் சயான், வாளையார் மனோஜ் (மொத்தம் 7 பேர்)
- *கோரிக்கை:* ரூ. 1.1 கோடி நஷ்ட ஈடு + வீடியோவை பரப்ப தடை
- *தீர்ப்புகள்:*
- *23-01-2019 - நீதிபதி K.கல்யாணசுந்தரம்:* EPS-ஐ கொடநாடு வழக்குடன் தொடர்புபடுத்தி பேசக்கூடாது என *Gag Order / இடைக்கால தடை* விதித்தார். வீடியோ பரப்பவும் தடை.
- *2020 - நீதிபதி P.T.ஆஷா:* மேத்யூ சாமுவேல் "இந்த வழக்கை தள்ளுபடி செய்ய வேண்டும்" என போட்ட மனுவை தள்ளுபடி செய்தார். "இது வெறும் கருத்து அல்ல, அவதூறு வழக்கு நடத்த தகுதியானது" என்று கூறி, பதில் மனு தாக்கல் செய்ய உத்தரவிட்டார்.
*2. இரண்டாவது வழக்கு - கிரிமினல் FIR (Cr.No.21 of 2019)*
- *பிரிவுகள்:* IPC 153A (பிரிவினை தூண்டுதல்), 505 (பொது அமைதிக்கு குந்தகம்)
- *தாக்கல் செய்தவர்:* தமிழக காவல்துறை
- *தீர்ப்பு:*
- *பிப்ரவரி 2019 - நீதிபதி ஆனந்த் வெங்கடேஷ்:* இந்த FIR-ன் மேல் விசாரணைக்கு *4 வாரம் இடைக்கால தடை (Stay)* விதித்தார். "153A பிரிவு என்பது இரு மத/ஜாதி குழுக்களுக்கு இடையே பகைமை ஏற்பட்டால் தான் பொருந்தும், தனி நபர் மீதான அரசியல் குற்றச்சாட்டுக்கு பொருந்தாது" என முக்கிய கருத்து தெரிவித்தார்.
*3. மூன்றாவது - ஜாமீன் ரத்து*
- சயான், மனோஜ் இருவரும் மேத்யூவுக்கு பேட்டி கொடுத்ததால், அவர்களின் ஜாமீன் ரத்து செய்யப்பட்டு 14-01-2019 அன்று டெல்லியில் மீண்டும் கைது செய்யப்பட்டனர். நீலகிரி நீதிமன்றம் ஜாமீன் ரத்து செய்தது.
*4. தற்போதைய நிலை (2023-2026):*
- எடப்பாடி கே. பழனிசாமி நேரில் ஆஜராகாமல் Advocate Commissioner மூலம் சாட்சியம் அளிக்க கோரினார். இதை மேத்யூ தரப்பு எதிர்த்தது.
- டிவிஷன் பெஞ்ச் (நீதிபதிகள் R.மகாதேவன், முகமது ஷபீக்) எடப்பாடி கே. பழனிசாமி கோர்ட்டில் நேரில் ஆஜராகி சாட்சியம் அளிக்க வேண்டும் என உத்தரவிட்டது. 2025 வரை வழக்கு நிலுவையில் உள்ளது.
> *முக்கிய குறிப்பு :* மேத்யூ சாமுவேல் தரப்பில் கொடநாடு கொலைக்கான நேரடி ஆதாரத்தை நீதிமன்றத்தில் தாக்கல் செய்யவில்லை, அவரது வீடியோ "சயான் சொன்னதை" அடிப்படையாக கொண்டது என்பதால் தான் Gag Order வந்தது.
1. . *CS* என்றும், Case No-ல் *48* என்றும், Year-ல் *2019*
முழு தீர்ப்பு (Gag Order & Stay Order-ன் முக்கிய பகுதி):*
> _Justice http://K.Kalyanasundaram Order - 23.01.2019:_
> "Interim injunction restraining the respondents/defendants from making any statement linking the plaintiff [EPS] with Kodanadu estate heist-cum-murder and from circulating the video"
> _Justice Anand Venkatesh Order - http://Cr.No.21/2019 Stay:_
> "This Court grants stay of all further investigation in http://Cr.No.21 of 2019... The common feature in Section 153A and 505 is promotion of enmity between different groups, it is necessary that at least two such groups should be involved. In this case only reputation of individual is affected."
கருத்துகள்