--- விசாகப்பட்டினம்: விசாகப்பட்டினத்தில் உள்ள ஹிந்துஸ்தான் கப்பல் கட்டுமான நிறுவன (HSL) தளத்தில் கட்டப்பட்டு வரும் கடற்படை ஆதரவு கப்பல்களில் முதலாவது கப்பலான *எப்எஸ்எஸ்-1 (FSS-1)* 2026 அக்டோபர் 6 அன்று நாட்டிற்கு அர்ப்பணிக்கப்பட்டது.
கடற்படை மரபுப்படி, தலைமை விருந்தினராக பங்கேற்ற பாதுகாப்பு அமைச்சர் *திரு. ராஜ்நாத் சிங்* முன்னிலையில், கடற்படையினர் நலச்சங்க தலைவர் *திருமதி. லைலா சுவாமிநாதன்* அவர்கள் கப்பலை தொடங்கி வைத்தார்.
அத்துடன் எப்எஸ்எஸ்-5 கப்பலின் அடித்தள கட்டமைப்பை தொடங்கி வைக்கும் நிகழ்வும் நடைபெற்றது. இதில் கடற்படை தலைமைத் தளபதி *அட்மிரல் கிருஷ்ணா சுவாமிநாதன்*, பாதுகாப்பு அமைச்சகம் மற்றும் HSL நிறுவனத்தின் உயரதிகாரிகள் கலந்து கொண்டனர்.
இந்த எப்எஸ்எஸ் கப்பல்கள் *82 சதவீதத்திற்கும் அதிகமாக உள்நாட்டிலேயே* வடிவமைக்கப்படுகிறது. இது ஆத்மநிர்பர் பாரத் திட்டத்தின் கீழ் கடற்படை, கப்பல் கட்டும் தளம் மற்றும் குறு, சிறு, நடுத்தர தொழில் நிறுவனங்களுக்கு இடையேயான ஒத்துழைப்பை வெளிப்படுத்துகிறது.
இக்கப்பல்கள் பணியில் இணைக்கப்படும் போது, கடலில் உள்ள போர்க்கப்பல்களுக்கு தேவையான எரிபொருள் மற்றும் தளவாடப் பொருட்களை உடனடியாக வழங்குவதன் மூலம் இந்திய கடற்படையின் ஆழ்கடல் செயல்பாட்டுத் திறன் பெரிதும் மேம்படும். ---
கருத்துகள்