அதிமுகவில் இருந்து இன்னும் 15 எம்.எல்.ஏக்கள் சீக்கிரம் வெளியே வரப் போவதாக - அமைச்சர் செங்கோட்டையன் கருத்து

மூழ்கிய கப்பலின் கடைசி நிமிஷங்கள்,---

* கடைசி ஓவர் – பதிலுக்கு பதில்!*

*காட்சி 1: தவெக எனும் பாதுகாப்பு ஹெலிகாப்டரில் இருந்து செங்கோட்டையன் குரல்*

கோபிசெட்டிபாளையத்தில் நின்று கொண்டு, அமைச்சர் செங்கோட்டையன் கத்துகிறார்.

> "நல்லவேளை எடப்பாடி கே.பழனிசாமி என்னை நீக்கினார்! அங்கிருந்து வந்ததால் தான் மக்கள் பணியாற்றும் வாய்ப்பு கிடைத்தது. நான் இன்று எங்கே இருக்கிறேன் பாருங்கள், வருவாய்த்துறை அமைச்சராக இருக்கிறேன்.

> நீங்கள் தானே அவரை நீக்கினீர்கள், இப்போது எங்கு அமர்ந்திருக்கிறார் பாருங்கள். அதிமுக எனும் யானை தேய்ந்து கட்டெறும்பான கதையாகி விட்டது.

> *மிக விரைவில் 15 பேர் அங்கிருந்து வெளியே வர இருக்கிறார்கள். நேற்று கூட அவர்கள் கூட்டம் போட்டு பேசியுள்ளனர்!"*

*காட்சி 2: மூழ்கும் கப்பலில் இருந்து கேப்டன் எடப்பாடி கே. பழனிசாமி பதில்*

இதை கேட்ட அதிமுக கப்பலின் கேப்டன் எடப்பாடி கே பழனிசாமி, திருப்பத்தூர் மாவட்ட நிர்வாகிகள் கூட்டத்தில் இருந்து பதிலடி கொடுக்கிறார்.

> "பதவி சுகத்திற்காக சிலர் தவெகவுக்கு சென்றுள்ளனர். அங்கு சென்றவர்களுக்கு அங்கு மரியாதை இருக்காது.

> *தவெகவில் இருந்து 20 பேர் எங்களை நோக்கி வருகிறார்கள்.* கட்சிக்கு விசுவாசமாக இருப்பவர்களுக்கு தான் இனி உள்ளாட்சி தேர்தலில் வாய்ப்பு. இளைஞர்களுக்கும், பெண்களுக்கும் முன்னுரிமை!"

கடந்த மே மாதம் கூட 50-க்கும் மேற்பட்ட தவெக இளைஞர்கள் எடப்பாடியில் கே.பழனிசாமி முன்னிலையில் அதிமுகவில் இணைந்தது, கேப்டன் சொல்வதற்கு சாட்சி என்கிறார்கள் அவரது ஆதரவாளர்கள்.

*காட்சி 3: உண்மையில் நடப்பது என்ன?*

ஆனால் கதையின் உண்மையான ட்விஸ்ட் இதுதான் ஐயா.

ஒரே புயலில் எல்லா கப்பலும் மூழ்குவதில்லை. சில கப்பல்கள் ஒவ்வொரு பலகையாக கழன்று தான் மூழ்கும்.

ஸ்கோர் போர்டில் ஏற்கனவே 6 விக்கெட்டுகள் விழுந்து விட்டது. இன்னும் 18 விக்கெட்டுகள் விழலாம் என்று அமைச்சர் செங்கோட்டையன் அணி சொல்கிறது.

கேப்டன் மட்டும் இன்னும் க்ரீஸில், எதுவுமே நடக்காதது போல, "எல்லாம் என் கட்டுப்பாட்டில் தான்" என்ற நம்பிக்கையில் நிற்கிறார்.

டிரெஸ்ஸிங் ரூம் மட்டும் வேறு கதையைச் சொல்கிறது. ஆற்காடு எம்எல்ஏ சுகுமார், ஜோலார்பேட்டை எம்எல்ஏ வீரமணி என இருவர் கூட்டத்தையே புறக்கணிக்கிறார்கள்.

தமிழ்நாடு அரசியலில் அடுத்த ஓவர் யாருக்கு சாதகம்? கப்பல் மிதக்குமா? மூழ்குமா?

*- இதுவே தற்போது மக்கள் பார்வை*

------ எடப்பாடிக்கு பயம் காட்டிய செங்கோட்டையன் - "கழுதை தேய்ந்து கட்டெறும்பு ஆனது அதிமுக!"*

அதிமுக பொதுச்செயலாளர் எடப்பாடி பழனிசாமியை கடுமையாக விமர்சித்துள்ளார் அமைச்சர் செங்கோட்டையன்.

கோபிசெட்டிபாளையத்தில் இன்று பேசிய அவர், பரபரப்பு பேச்சு:

> *“எம்.ஜி.ஆர், ஜெயலலிதா காலத்தில் அதிமுக யானை!*

> *ஆனால் இன்று எடப்பாடி தலைமையில் கழுதை தேய்ந்து கட்டெறும்பு ஆகிவிட்டது!”* என காட்டமாக விமர்சித்தார்.

மேலும் அவர்,

> “அதிமுகவில் இருந்து இன்னும் *15 எம்.எல்.ஏக்கள் சீக்கிரம் வெளியே வரப் போகிறார்கள்.* நேற்றுகூட அதிருப்தி எம்.எல்.ஏக்கள் தனியாக கூட்டம் போட்டுள்ளனர். இது எடப்பாடிக்கு தெரியுமா?” என அதிரடி காட்டினார்.

> “நல்லவேளை என்னை கட்சியை விட்டு நீக்கினார். நான் தப்பித்து வந்து தவெக அரசில் அமைச்சரானேன். எம்.ஜி.ஆர், ஜெயலலிதாவுக்கு பின் முதல்வர் விஜய் போல ஒரு தலைவரை நான் பார்த்ததில்லை” என்றார்.

6 எம்.எல்.ஏக்கள் ராஜினாமா வழக்கில் அதிமுகவுக்கு நீதிமன்றத்தில் அடி விழுந்துள்ள நிலையில், செங்கோட்டையனின் இந்த *‘கழுதை - கட்டெறும்பு’* கமெண்ட் அதிமுகவில் பெரும் அதிர்வலையை ஏற்படுத்தியுள்ளது. ---