தேனி தெக்கம்பட்டி கிளைச் சிறையில் 17 பேர் தப்பியோட்டம் - 13 பேர் பிடிபட்டனர், 4 பேர் தலைமறைவு தேடுதல் தீவிர

 *தேனி தெக்கம்பட்டி கிளைச் சிறையில் 17 பேர் தப்பியோட்டம் - 13 பேர் பிடிபட்டனர், 4 பேர் தலைமறைவு - த.வெ.க அரசின் நிர்வாகத் தோல்வி அம்பலம்!*

*சம்பவம் நடந்தது என்ன?*

நேற்று (26.10.2026) இரவு சுமார் 8.30 மணிக்கு தேனி மாவட்டம் தெக்கம்பட்டி கிளைச் சிறையில் இந்த அதிர்ச்சி சம்பவம் நடந்துள்ளது.

ஒரே அறையில் அடைக்கப்பட்டிருந்த 17 விசாரணைக் கைதிகளில் ஒருவர் திடீரென வலிப்பு வந்தது போல கத்தி, கீழே தேனி தெக்கம்பட்டி கிளைச் சிறையில் 17 பேர் தப்பியோட்டம் - 13 பேர் பிடிபட்டனர், 4 பேர் தலைமறைவு நடித்துள்ளார். மருத்துவ அவசரம் என நம்பிய சிறை ஊழியர்கள் கதவைத் திறந்தபோது, காத்திருந்த மற்ற 16 பேரும் சேர்ந்து பணியில் இருந்தவர்களைத் தாக்கிவிட்டு வெளியேறியுள்ளனர்.

இந்த தாக்குதலில் இரண்டாம் நிலை சிறை ஊழியர் *தங்கபாண்டி* தலைப் பகுதியில் பலத்த காயமடைந்தார். தேனி அரசு மருத்துவக் கல்லூரி மருத்துவமனையில் அனுமதிக்கப்பட்டுள்ளார்.

*பிடிபட்ட 13 பேர் - தேடுதல் வேட்டை முழு விபரம்:*

- *சம்பவத்தின் பின்னணி:* அக்டோபர் 26 திங்கள்கிழமை நள்ளிரவில், தங்களுக்குள் ஒருவருக்கு வலிப்பு நோய் (Fits) ஏற்பட்டுள்ளதாகக் கூறி கைதிகள் நாடகமாடியுள்ளனர். இதை நம்பி சிறைக் காவலர்கள் கதவைத் திறந்தபோது, அவர்களைத் தாக்கிவிட்டு ஒரே அறையில் அடைக்கப்பட்டிருந்த 17 விசாரணைக் கைதிகளும் தப்பியோடினர்.

- *முதற்கட்ட கைது (5 பேர்):* தேடுதல் வேட்டையின் தொடக்கத்தில் பிரவீன்குமார், சிலம்பரசன், ராஜா சிக்கந்தர், ராஜ்குமார் மற்றும் லிங்கபிரசாத் ஆகிய 5 கைதிகள் காவல்துறையினரால் உடனடியாகப் பிடிக்கப்பட்டனர்.

- *ட்ரோன் மூலம் அதிரடி நடவடிக்கை (8 பேர்):* சிறையின் பின்புறம் உள்ள அடர்ந்த பொட்டல் காடு மற்றும் மலைப்பகுதிகளில் பதுங்கியிருந்த எஞ்சிய கைதிகளைக் கண்டறிய காவல்துறையினர் ட்ரோன் (Drone) கேமராக்களைப் பயன்படுத்தினர். இதன் மூலம் பதுங்கியிருந்த மேலும் 8 கைதிகள் சுற்றி வளைத்து கைது செய்யப்பட்டனர்.

- *தற்போதைய நிலை:* தப்பிய 17 பேரில் தற்போது வரை 13 பேர் கைது செய்யப்பட்டுள்ளனர். காடுகளில் பதுங்கியுள்ளதாகக் கருதப்படும் மீதமுள்ள 4 கைதிகளைப் பிடிக்க 17 தனிப்படைகள் அமைக்கப்பட்டு தீவிரத் தேடுதல் வேட்டை தொடர்ந்து நடைபெற்று வருகிறது.

- *நடவடிக்கை:* இச்சம்பவத்தில் கடமை தவறியதாக சிறைக் காவலர்கள் மற்றும் வார்டன் உள்ளிட்ட ஒன்பது பணியாளர்கள் பணியிடை நீக்கம் (சஸ்பெண்ட்) செய்யப்பட்டுள்ளனர்.

தற்போது தேனி, மதுரை, திண்டுக்கல், விருதுநகர் மாவட்டங்களிலும், கேரள எல்லையான குமுளி, போடி, கம்பம் சோதனைச் சாவடிகளிலும் சிறப்பு படைகள் அமைக்கப்பட்டு தேடுதல் வேட்டை நடப்பதாக காவல்துறை தரப்பில் கூறப்படுகிறது.

*ஏன் இது அரசின் தோல்வி?*

இது ஹாலிவுட் படம் போன்ற திட்டமிட்ட சிறை உடைப்பு அல்ல. இது முழுக்க முழுக்க தமிழக முதல்வர் ஜோசப் விஜய் தலைமையிலான த.வெ.க அரசாங்கத்தின் நிர்வாக சீர்கேடு.

17 பேரை ஒரே அறையில் அடைத்தது, மருத்துவ அவசரம் என்று சொன்னதை சரிபார்க்காமல் கதவைத் திறந்தது, கைதிகள் ஒன்றிணைந்து தாக்க அனுமதித்தது - இவை அனைத்தும் சட்டம்-ஒழுங்கை இரண்டாம் பட்சமாக கருதும் அலட்சியப் போக்கையே காட்டுகிறது. இந்த அவலத்திற்கு துறையைக் கையாளும் அமைச்சர் நிர்மல் குமார் அவர்களும், முதலமைச்சர் ஜோசப் விஜய் அவர்களுமே பொறுப்பேற்க வேண்டும்.

*சிறைக் காவல் விதிமுறைகள் என்ன சொல்கிறது? - தற்போதைய சர்க்குலர் நடைமுறை*

*1. தமிழ்நாடு சிறை விதிகள் 1983 - விதி 279:*

- இரவில் பூட்டிய பிறகு அனைத்து சாவிகளும் ஜெயிலர் முன்னிலையில் எண்ணப்பட்டு, பிரதான வாயிலில் உள்ள கண்ணாடி பூட்டு அலமாரியில் வைக்கப்பட வேண்டும்.

- அவசரம் என்றால் மட்டுமே கண்ணாடியை உடைத்து சாவி எடுக்கலாம், உடனே ஜெயிலருக்கு தகவல் கொடுக்க வேண்டும்.

- *விதி 279(3):* இரவில் ஒரு கைதிக்கு மருத்துவ உதவி தேவைப்பட்டால், ஜெயிலர் அல்லது துணை ஜெயிலர் அல்லது தலைமை வார்டர் முன்னிலையில் மட்டுமே கதவைத் திறக்க வேண்டும். தீ விபத்து, தற்கொலை முயற்சி போன்ற அவசரத்தைத் தவிர, தனியாக திறக்கக்கூடாது.

*தேனியில் நடந்தது:* இந்த விதியை மீறி, சாதாரண ஊழியர் தனியாக கதவைத் திறந்துள்ளார்.

*2. மத்திய அரசின் மாதிரி சிறை கையேடு 2016 (Model Prison Manual 2016) - தற்போதைய நடைமுறை:*

- தினசரி 6 முறை எண்ணிக்கை: 24 மணி நேரத்தில் 6 முறை முகம் பார்த்து கைதிகளை எண்ண வேண்டும்.

- இரட்டைக் காவல் முறை: ஒரு காவலர் மட்டும் தனியாக அறையைத் திறக்கக்கூடாது. ஒரு அதிகாரி கேட்டில் நிற்க வேண்டும்.

- பாதுகாப்புக் கருவிகள்: இரவு பணியில் ஒவ்வொரு ஊழியருக்கும் லத்தி, விசில், டார்ச் லைட் கட்டாயம்.

- மருத்துவ பதிவு: ஒவ்வொரு கைதியும் சேர்க்கப்பட்ட 24 மணி நேரத்திற்குள் மருத்துவ பரிசோதனை செய்யப்பட வேண்டும். வலிப்பு போன்ற நோய் இருந்தால் பதிவில் இருக்க வேண்டும்.

- கூட்ட நெரிசல் தடை: விசாரணைக் கைதிகளை பிரித்து வைக்க வேண்டும். ஒரு அறையில் அதிக பேரை அடைக்கக்கூடாது.

*3. மீறப்பட்ட விதிகள் பட்டியல்:*

மீறப்பட்ட விதி தேனியில் நடந்த தவறு

விதி 279(3) ஜெயிலர் இல்லாமல் கதவு திறப்பு

கூட்ட நெரிசல் தடை 17 பேரை ஒரே அறையில் அடைத்தது

இரட்டை காவல் விதி ஒருவர் மட்டும் கதவை திறந்தது

மருத்துவ நடைமுறை போலி வலிப்பை சரிபார்க்காமல் நம்பியது

*பிடிபட்ட 5 பேர் யார்? (முதற்கட்ட விபரம்)*

*1. பிரவீன் குமார்* - தேனி மாவட்டத்தை சேர்ந்தவர். சிறை அருகே உள்ள காட்டுப்பகுதியில் பதுங்கியிருந்தபோது பிடிபட்டார்.

*2. சிலம்பரசன்* - தேவாரம் பகுதியை சேர்ந்தவர். தேவாரம் காட்டுப்பகுதியில் தனிப்படை போலீசாரால் பிடிக்கப்பட்டார்.

*3. ராஜா சிக்கந்தர்* - மதுரை மேலமடை பகுதியை சேர்ந்தவர்.

*4. ராஜ்குமார்* - மதுரை சுந்தரராஜபுரத்தை சேர்ந்தவர்.

*5. லிங்கேஸ்வரன்* - மாற்றுத்திறனாளி. ஆட்டோவில் தப்ப முயன்றபோது பிடிபட்டார்.

*தொடர் விசாரணை:*

இந்த சம்பவத்தை தொடர்ந்து தென்மண்டல IG விஜயேந்திர பிதாரி தலைமையில் 17 தனிப்படைகள் அமைக்கப்பட்டுள்ளன. தமிழக சிறைத்துறை வரலாற்றில் 31 ஆண்டுகளுக்கு பிறகு நடந்த மிகப்பெரிய நிகழ்வு இது.

*மக்கள் கோரிக்கை - உடனடி நடவடிக்கை தேவை:*

1. காயமடைந்த ஊழியர் தங்கபாண்டிக்கு அரசு சார்பில் சிறந்த சிகிச்சை மற்றும் இழப்பீடு வழங்க வேண்டும்.

2. தலைமறைவான 4 கைதிகளையும் உடனடியாக கைது செய்ய வேண்டும்.

3. இந்த அலட்சியத்திற்கு காரணமான சிறை கண்காணிப்பாளர் முதல் கீழ்நிலை ஊழியர் வரை அனைவர் மீதும் துறை ரீதியான கடும் நடவடிக்கை எடுக்க வேண்டும்.

4. தமிழகத்தில் உள்ள அனைத்து கிளைச் சிறைகளிலும் திடீர் ஆய்வு நடத்தி, பாதுகாப்பை பலப்படுத்த வேண்டும்.

5. சம்பந்தப்பட்ட அமைச்சர் மேற்கொள்ளும் பெயரளவு ஆய்வுகளோ, வெறும் உறுதிமொழிகளோ மட்டும் போதாது - அரசு பொறுப்பேற்று பகிரங்க விளக்கம் அளிக்க வேண்டும். *தப்பியோடிய 17 பேரின் முழு அதிகாரப்பூர்வ பட்டியல் (Theni Police):*

1. *பிரவீன்* - மதுரை பெருங்குடி

2. *கருப்பசாமி (எ) மதன்* - மதுரை ஜெய்ஹிந்த்புரம்

3. *திருப்பதி* - மதுரை காமராஜபுரம்

4. *பொன்முத்துச்செல்வம்* - மதுரை TNHB காலனி

5. *மீனாட்சிசுந்தரம்* - மதுரை மேல அனுப்பானடி

6. *நிசாந்த்* - மதுரை கீழக்குயில்குடி

7. *முத்து இளங்கோவன்* - மதுரை வாடிப்பட்டி

8. *கார்த்திக்ராஜா* - மதுரை ஜெய்ஹிந்த்புரம்

9. *பிரசாந்த் (எ) லிங்க பிரசாத்* - மதுரை ஆளவந்தான்

10. *ராஜா சிக்கந்தர்* - மதுரை மேலமடை

11. *சோலைமுகிலீஸ்வரன்* - மதுரை வாழைத்தோப்பு

12. *ராஜ்குமார்* - மதுரை சுந்தரராஜபுரம்

13. *தருண்குமார்* - சிவகங்கை

14. *பாண்டி செல்வம்* - ராமநாதபுரம்

15. *சபரிநாதன்* - சேலம்

16. *ரெஜின்* - கன்னியாகுமரி

17. *சிலம்பரசன்* - தேனி தேவாரம்

*பிடிபட்டவர்கள் நிலவரம்:*

- *முதலில் பிடிபட்ட 5 பேர் (உறுதி):* பிரவீன்குமார், சிலம்பரசன், ராஜா சிக்கந்தர், ராஜ்குமார், லிங்கபிரசாத்

- *ட்ரோன் மூலம் பிடிபட்ட 8 பேர்:* மேலே உள்ள பட்டியலில் மீதமுள்ள 12 பேரில் இருந்து 8 பேர் பிடிபட்டுள்ளனர். *காவல்துறை Press Release-ல் "மேலும் 8 பேர் பெயர்கள் இன்னும் பகிரப்படவில்லை"*

> According to the Prison Department's press release... Earlier in the day, the police had arrested five escapees, identified

*தேனி சிறைக் கைதிகள் தப்பியோட்டம் - கட்சி தலைவர்கள் கண்டனம்:*

- *எடப்பாடி பழனிசாமி (அதிமுக)* - புழல் சிறையில் 2 பேர் தப்பியபோதே அரசு விழித்திருக்க வேண்டும்

- *மு.க.ஸ்டாலின் (திமுக)* - "Prison Break தொடங்கிவிட்டது", 1995-க்கு பிறகு இப்படி ஒரேயடியாக 17 பேர் தப்பிப்பது இதுவே முதல்முறை

- *TTV தினகரன் (AMMK)* - இது நிர்வாக திறமையின்மை மற்றும் அலட்சியம்

- *நாராயணன் திருப்பதி (பாஜக)* - இது திட்டமிட்ட சிறை உடைப்பு அல்ல, த.வெ.க அரசின் வெட்கக்கேடான நிர்வாக தோல்வி