தமிழ்நாட்டில் வாக்காளர் பட்டியல் சிறப்பு சுருக்கமுறை திருத்தம் (SSR) பணிகள் தொடர்பாக, தமிழ்நாடு தலைமைத் தேர்தல் அதிகாரி *அர்ச்சனா பட்நாயக்* தலைமையில், சென்னை தலைமைச் செயலகத்தில் இன்று (23-10-2026) அனைத்துக் கட்சி கூட்டம் நடைபெற்றது.
2027 ஜனவரி 1-ம் தேதியை தகுதி ஏற்படுத்தும் நாளாக கொண்டு SSR பணிகள் தொடங்கப்பட உள்ளது. நவ.12 முதல் டிச.11 வரை பெயர் சேர்த்தல், நீக்கம், திருத்தம் செய்ய விண்ணப்பிக்கலாம். *2027 ஜனவரி 4-ம் தேதி இறுதி வாக்காளர் பட்டியல் வெளியிடப்படும்* என தேர்தல் ஆணையம் அறிவித்துள்ளது.
இந்தக் கூட்டத்திற்கு அங்கீகரிக்கப்பட்ட 13 கட்சிகளுக்கு அழைப்பு விடுக்கப்பட்டது. பகுஜன் சமாஜ் கட்சி பங்கேற்காத நிலையில், 12 கட்சிகள் பங்கேற்றன.
*வெளிநடப்பு செய்த கட்சிகள்:*
கூட்டம் தொடங்கிய சில நிமிடங்களிலேயே, இந்திய தலைமைத் தேர்தல் ஆணையர் *ஞானேஷ் குமார் பதவி விலக வேண்டும்* என வலியுறுத்தி 9 கட்சிகள் வெளிநடப்பு செய்தன.
வெளிநடப்பு செய்தவை:
*திமுக, தமிழக வெற்றிக் கழகம் (தவெக), காங்கிரஸ், சிபிஐ, சிபிஎம் (மார்க்சிஸ்ட்), விசிக, நாம் தமிழர் கட்சி (நாதக), தேமுதிக, ஆம் ஆத்மி.*
*காரணம் என்ன?*
- தமிழகத்தில் SIR (சிறப்பு தீவிர திருத்தம்) நடவடிக்கையில் *74 லட்சம் முதல் 78 லட்சம் வரை வாக்காளர்கள் நீக்கப்பட்டதாக* குற்றச்சாட்டு.
- SIR-ல் நடந்த முறைகேட்டுக்கு பொறுப்பேற்று தலைமைத் தேர்தல் ஆணையர் ஞானேஷ் குமார் பதவி விலக வேண்டும் என திமுக சட்டத்துறை இணைச் செயலாளர் பரந்தாமன் வலியுறுத்தினார். "அவரை பதவியில் வைத்துக்கொண்டு நடத்தும் எந்த நடவடிக்கையும் நம்பகத்தன்மை அற்றது" என்றார்.
- தவெக சார்பில் பங்கேற்ற அமைச்சர் *சி.டி.ஆர். நிர்மல்குமார்* பேசுகையில், "SIR-ல் பெரும்பாலும் இளைஞர்கள், பெண்கள் நீக்கப்பட்டனர். அவை எங்களுக்கு வரவேண்டிய வாக்குகள். SIR மட்டும் இல்லையென்றால் தவெக 160 இடங்களுக்கு மேல் வெற்றி பெற்றிருக்கும். நடந்த தவறை சரி செய்ய வேண்டிய கட்டாயத்தில் உள்ளோம்" என்றார்.
*கூட்டத்தில் இருந்த கட்சிகள்:*
வெளிநடப்புக்கு பிறகு *அதிமுக, பாஜக, தேசிய மக்கள் கட்சி (NPP)* ஆகிய 3 கட்சிகள் மட்டுமே கூட்டத்தில் தொடர்ந்து பங்கேற்றன. அதிமுக சார்பில் ஜெயக்குமார், தனபால், பாஜக சார்பில் கராத்தே தியாகராஜன் உள்ளிட்டோர் பங்கேற்றனர்.
கருத்துகள்