--- *இனி சாலையில் நிறுத்தி தொல்லை கொடுக்க முடியாது!*
தமிழக வணிகவரி ஆணையர் *திரு. S. நாகராஜன், I.A.S. அவர்கள் 14-10-2026 அன்று* பிறப்பித்த அதிரடி ஆணை!
*பின்னணி என்ன?*
2019 முதல் ஒவ்வொரு உளவுப்பிரிவிலும் ஒரு சுற்றும் படை இயங்கி வந்தது. ஆனால் தில்லியில் நடந்த *57-வது சரக்கு மற்றும் சேவை வரி குழு கூட்டத்தில் (08-10-2026)* "மின் வழிச்சீட்டு என்ற பெயரில் ஊர்திகளை தாறுமாறாக நிறுத்தி வணிகர்களை துன்புறுத்துகிறார்கள்" என்று கடும் எதிர்ப்பு எழுந்தது.
அதன் அடிப்படையில் தான் இந்த வரலாற்று சிறப்புமிக்க மாற்றம்!
*புதிய 4 அதிரடி விதிகள் - இன்று முதல் உடனடி அமல்!*
*1. சுற்றும் படை முறை ஒழிப்பு:*
பழைய சுற்றும் படை முறை முற்றிலுமாக கைவிடப்பட்டு, இனி *திட்டவட்டமான உளவு தகவல் அடிப்படையிலான தடுப்பு முறைக்கு* மாற்றம்!
*2. இனி பறக்கும் படை தான், சுற்றும் படை கிடையாது:*
சுற்றும் படை என்பது *பறக்கும் படை* என்று பெயர் மாற்றம்! காரணம் தெளிவாக ஆணையில் உள்ளது - அவர்கள் இனி தங்கள் விருப்பத்திற்கு சுற்ற முடியாது, திட்டவட்டமான உளவு தகவல் + அனுமதி இருந்தால் மட்டுமே பறந்து சென்று மடக்குவார்கள்!
*3. அலுவலகத்திலேயே இருக்க வேண்டும்!*
பறக்கும் படை இனி சாலையில் சுற்றாமல், *இணை ஆணையர் (உளவுப்பிரிவு) அலுவலகத்திலேயே தான் இருக்க வேண்டும்!* ஒரு ஊர்தியில் வரி மீறல் பொருள் உள்ளது என்று திட்டவட்டமான உளவு செய்தி *மின் அலுவலகத்தில் (e-office) எழுத்துப்பூர்வமாக, நேர முத்திரையுடன் பதிவு* செய்யப்பட்டு இருக்க வேண்டும்.
*4. இணை ஆணையர் ஒப்புதல் கட்டாயம்:*
அந்த உளவு செய்தியை *இணை ஆணையர் அல்லது அதற்கு மேல் உள்ள அதிகாரி* எழுத்துப்பூர்வமாக காரணங்களை பதிவு செய்து, ஒப்புதல் கொடுத்தால் மட்டுமே பறக்கும் படை ஊர்தியை தடுக்க கிளம்பும்!
*மீறினால் என்ன ஆகும்?*
இந்த ஆணையை மீறி யாராவது ஊர்தியை நிறுத்தினால், அது கடுமையாக கருதப்படும்! *கூடுதல் ஆணையர் (உளவுப்பிரிவு)* அவர்கள் நேரடியாக கண்காணித்து நடவடிக்கை எடுப்பார்!
வணிகர்களே, ஊர்தி உரிமையாளர்களே! இனி அச்சமின்றி பொருள் அனுப்புங்கள்!
நமது செய்தியை ஒவ்வொரு வணிகருக்கும் பகிருங்கள்!
கருத்துகள்