அரண்மனை ராணிகளின் நிலுவை வழக்கும், அம்பு விட வராத அம்மன் சிலை கணக்கும்! எப்போது தீரும்,

*" மண்ணையும் பெண்ணையும் மதித்த சீமைகள்... பெண்ணால் நின்றது திருவிழா!"*

*ராமநாதபுரத்தில் 400 ஆண்டு யு(ர)த்த சரித்திரம் - 300 ஆண்டு அம்மன் தங்க சீலை வீதிக்கு வராதது ஏன்?*

 *சேதுபதி சமஸ்தானம்*

*"நீதிமன்றத்தில் நிற்கும் இரண்டு ராணிகள்! - முதலில் இராமநாதபுரம் தங்க அம்மன், பின் சிவகங்கை தேவஸ்தானம், இறுதியில் திருக்களம்பூர் கதலி முடிச்சு!"*

*பகுதி 1: இராமநாதபுரம் - தங்க அம்மன் ஏன் வெளியே வரவில்லை?*

இராமநாதபுரம் அரண்மனையில் நவராத்திரி 10-ம் நாள். ராஜராஜேஸ்வரி தங்க அம்மன் தங்க பல்லக்கில் மகர் நோன்பு பொட்டல் வரை போய் அசுரனை அம்பு எய்ய வேண்டும். இது 300 ஆண்டு வழக்கம்.

*இந்த ஆண்டு அம்மன் போகவில்லை. அரண்மனை வாசலிலேயே தள்ளுமுள்ளு!*

காரணம் - *ராணி ராஜராஜேஸ்வரி நாச்சியார் குடும்பம் vs குமரன் / நாகேந்திர சேதுபதி குடும்பம்!*

பிரச்சினை - *"முதல் மரியாதை யாருக்கு? ஊர்வலத்தை யார் துவக்குவது?"*

வாக்குவாதம் முற்றி அம்மன் உள்ளே கொண்டு செல்லப்பட்டாள். அரண்மனை கதவு பூட்டப்பட்டது. வெளியே காத்திருந்த பக்தர்கள் ஏமாற்றம். செயதிகள இதை உறுதி செய்தன. ராணி 21.10.2026 பேட்டி கொடுத்தார்.

இது இராமநாதபுரத்தில் இன்று நடக்கும் வழக்கு. தீர்ப்பு இன்னும் வரவில்லை.

*பகுதி 2: சிவகங்கை - அங்கே ஏற்கனவே தீர்ப்பு வந்துவிட்டது!*

இதே போல் சிவகங்கையில் சில ஆண்டுகள் முன் நடந்தது.

*மேதகு மன்னர் துரைசிங்க ராஜா குடும்பம்.*

ஒரு பக்கம் - மூத்த மகன் *சுப்பிரமணிய ராஜா* வழி - அவர் மகன் *சண்முக ராஜா (மூத்த வழி)*

மறு பக்கம் - இளைய மகன் *சண்முக ராஜா (இளைய வழி)* - அவர் மகன் *கார்த்திகேய ராஜா*

மூத்த வழி சொன்னது - "ஜமீன் எங்களுக்கு"

இளைய வழி நீதிமன்றம் போனது.

*நீதிமன்ற தீர்ப்பு - இளைய வழிக்கு வெற்றி!*

ஜமீன் சமஸ்தானம் மற்றும் தேவஸ்தான பொறுப்பு முழுவதும் இளைய மகன் வழி *கார்த்திகேய ராஜா* குடும்பத்துக்கு கிடைத்தது.

அந்த வழியில் இன்று ஜமீன் பொறுப்பில் இருப்பவர் தான் *ராணி மதுராந்தகி நாச்சியார்!*

சிவகங்கையில் வழக்கு உண்டு, தீர்ப்பு உண்டு, ராணி பதவி ஏற்ற கதை உண்டு!

*பகுதி 3: இறுதி இணைப்பு - இரண்டு கதைக்கும் ஒரே வேர்! திருக்களம்பூர் கதலி!*

இராமநாதபுரம் தங்க அம்மன் தகராறும், சிவகங்கை ஜமீன் தகராறும் தனித்தனி இல்லை சார்! இரண்டும் ஒரே குடும்பம்!

400 ஆண்டு முன் *கிழவன் சேதுபதி* காலம்.

அவருக்கு 47 மனைவிகள். கடைசி மனைவி *திருக்களம்பூர் கதலி.*

திருச்சுழியில் திருவண்ணாமலை துறவி சொன்னதால் *பிரான்மலை உட்பட 5 கோவில்களை* தானம் கொடுத்தார். தான பலனாக கதலிக்கு மகள் பிறந்தாள்.

*கதலி மகள் தான் அகிலாண்டேஸ்வரி - அவள் வழி தான் சிவகங்கை!* சிவகங்கை துரைசிங்க ராஜா குடும்பம் அந்த வழி! அங்கு தான் மூத்த vs இளைய வழக்கு நடந்து, ராணி மதுராந்தகி நாச்சியார் ஜெயித்தார்.

*கதலியின் உடன் பிறந்த தம்பி தான் புதுக்கோட்டை விஜய ரகுநாதத் தொண்டைமான் - அவரே தான் சிவகங்கை முதல் இராணி அகிலாண்டேஸ்வரிநாச்சியாரின் தாய்மாமன்!*

கிழவன் சேதுபதி என்ற இரகுநாத சேதுபதி தனது இராஜ்ஜியத்தை 5 பங்கு பிரித்தார் - *3 பங்கு இராமநாதபுரம், 1 பங்கு மகளுக்கு சிவகங்கை, 1 பங்கு மைத்துனருக்கு புதுக்கோட்டை.*

அந்த 3 பங்கு இராமநாதபுரம் தான் இன்று ராணி ராஜராஜேஸ்வரி நாச்சியார் vs குமரன் சேதுபதி என்று முதல் மரியாதைக்கு சண்டை போடும் இடம்!

*மதுரை மன்னர் முத்துகிருஷ்ணப்ப நாயக்கர் 1605-ல் சேதுபதி பட்டம் கொடுத்து, நவராத்திரி உரிமை கொடுத்து தொடங்கிய விழா, இன்று கதலி பிரித்த 5 பங்கில், இரண்டு இடத்தில் இரண்டு ராணிகள் நீதிமன்றத்தில் நிற்கிறது!*

*சிவகங்கையில் ராணி மதுராந்தகி நாச்சியார் தீர்ப்பு வாங்கி ஜெயித்தார். இராமநாதபுரத்தில் இராணி இராஜராஜேஸ்வரி தீர்ப்புக்காக காத்திருக்கிறார். தங்கச் சிலை அம்மன் இன்னும் அரண்மனைக்குள் காத்திருக்கிறாள்!*--- விரைவில் தீர்வு வரும் நம்பிக்கையில் மக்கள். உள்ளனர்.

*சேதுபதிகளின் கதை - போகலூர் முதல் கோர்ட் வரை!*

*அத்தியாயம் 1 - நாயக்க மன்னர் விதை போட்டார்!*

வருடம் 1601. மதுரையில் *முத்து கிருஷ்ணப்ப நாயக்கர் அவர்கள்* ஆட்சி செய்து வந்தார். அவர் பார்த்தார் - ராமேஸ்வரம் செல்லும் வழி காடு, *திருடர்கள் பயம்* அதிகம்!

உடனே மறவர் தலைவர் *சடைக்க தேவர் என்ற உடையான் சேதுபதி அவர்களை* அழைத்து, "நீர் தான் சேது பதி - பாலத்தை காப்பவர்! போகலூரில் இருந்து காவல் காத்தருளும்!" என்று பட்டம் அளித்தார். அவர் தான் *முதல் போகலூர் ராஜா!*

அதன் பின் மதுரையில் *திருமலை நாயக்கர் அவர்கள்* காலத்தில் *கூத்தன் சேதுபதி, தளவாய் சேதுபதி அவர்கள்* காவல் பணியை தொடர்ந்தார்கள்.

*அத்தியாயம் 2 - கிழவன் சேதுபதி அவர்களின் புரட்சி!*

மதுரையில் *சொக்கநாத நாயக்கர் அவர்களும், ராணி மங்கம்மாள் அவர்களும்* ஆட்சி செய்த காலம்.

போகலூரில் *ரகுநாத கிழவன் சேதுபதி அவர்கள்* இருந்தார். 70 வயதானாலும் சிங்கம் போன்ற வீரம் கொண்டவர்!

ராணி மங்கம்மாள் அவர்களின் படை வந்த போது, கிழவன் அவர்கள் விரட்டி அடித்தார்! சொக்கநாதர் மகிழ்ந்து *'பரராஜகேசரி'* என்ற பட்டத்தை வழங்கினார்!

1707-ம் ஆண்டு கிழவன் அவர்கள், "இனி நாம் சுதந்திர மன்னர்!" என அறிவித்து, தலைநகரை *போகலூரிலிருந்து ராமநாதபுரத்துக்கு* மாற்றினார். பெரிய கோட்டையை எழுப்பினார்!

அவருக்கு *திருக்களம்பூர் கதலி நாச்சியார் அவர்கள்* மீது காதல் ஏற்பட்டது. உள்ளூர் காவல் குடும்பத்தைச் சேர்ந்தவர் அவர். அவரை திருமணம் செய்து, அவரது சகோதரருக்கு ஒரு சீமையை அளித்தார் - அவர் தான் *ரகுநாத தொண்டைமான் அவர்கள் - புதுக்கோட்டை மன்னர்!*

தமது நம்பிக்கைக்குரிய *உதயத் தேவர் அவர்களுக்கு* காட்டுப் பகுதியை அளித்தார் - அது தான் பின்னாளில் *சிவகங்கை சீமை* ஆனது!

*ஒரே மன்னர் - மூன்று சீமைகளை உருவாக்கினார்!*

*அத்தியாயம் 3 - பங்காளி சண்டை!*

கிழவன் அவர்கள் மறைவுக்கு பின் வாரிசு போர் மூண்டது. *முத்து வைரவநாதர், விஜய ரகுநாதர், பவானி சங்கரர்* என மாறி மாறி ஆட்சிக்கு வந்தனர். தஞ்சை மன்னர் *ஆரந்தாங்கியை* பிரித்து சென்றார்!

பின் *குமர முத்து, செல்லமுத்து* என பல மன்னர்கள் ஆண்டாலும், கடைசி சுதந்திர மன்னர் *முத்துராமலிங்க விஜயரகுநாத சேதுபதி அவர்கள் (1762-1795)* ஆங்கிலேயரால் சிறைபிடிக்கப்பட்டார்!

*அத்தியாயம் 4 - ராணிகள் காலம்!*

1803-ல் ஆங்கிலேயர் ஜமீனாக்கினர். முதல் ஜமீன்தாரணி *மங்களேஸ்வரி நாச்சியார் அவர்கள்!*

பின் *அண்ணாசாமி, ராமசாமி, பர்வதவர்த்தினி நாச்சியார்* என தொடர்ந்து, 1889-ல் *பாஸ்கர சேதுபதி அவர்கள்* வந்தார் - விவேகானந்தரை சிகாகோ அனுப்பிய பெருமைக்குரியவர்!

*ராஜ ராஜேஸ்வர சேதுபதி அவர்கள் (1903-29), சண்முக ராஜேஸ்வர சேதுபதி அவர்கள் (1929-67)* - கடைசி ஜமீன்தார்!

*அத்தியாயம் 5 - இன்று!*

1967-க்கு பின் *ராமநாத சேதுபதி அவர்கள், ராஜேஸ்வரி நாச்சியார் அவர்கள்* வாரிசாக உள்ளனர். அவரது பிள்ளைகள் தான் *நாகேந்திர சேதுபதி அவர்கள்* போன்ற இளைய தலைமுறை!

*இன்று அந்த வாரிசுகளுக்குள் தான் நீதிமன்றத்தில் 3 ராணிகள் சண்டை! அதனால் தான் 300 ஆண்டு தங்க அம்மன் அம்பு விட போக முடியாமல் அரண்மனைக்குள் பூட்டி கிடக்கிறாள்!* --