*மருதிருவர் காவியம்*
முக்குளச் சோலையிலே முத்தாய்ப் பிறந்தவரே!
நரிக்குடி மண்ணிலே நல்லறம் வளர்ந்தவரே!
மொக்கை பழனியப்பன் மரபின் மணி விளக்கே
ஆனந்தாயி புதுப்பட்டி அன்பின் திரு விளக்கே!
பெரியவர் ஆயிரத்து எழுநூற்று நாற்பத்தெட்டில் வந்தார்
சின்னவர் ஐம்பத்து மூன்றில் சீரோடு வந்தார்!
*முல்லையூர் குரு கீதம்*
முல்லையூர் என்னும் அரளிக் கோட்டை மண்ணிலே
முல்லையாய்ப் பிறந்தார் தாண்டவராயப் பிள்ளை
பிள்ளைமார் குலத்து பெருமைச் சுடராய்
சசிவர்ணர் தொடங்கி தளவாய் பிரதானியாய்!
அவர் வளர்த்த கன்றுகள் மருதிரு வராய்
அவர் கற்றுத் தந்தது வாளும் நீதியுமாய்!
*கௌரி நாச்சியார் - வேலு நாச்சியார் - உண்மை கீதம்*
முத்து வடுகநாதர் மன்னவர்க்கு இரு மனையாட்டி
மூத்தவள் வேலுநாச்சியார் வீரத்தின் ஊற்று
இளையவள் கௌரி நாச்சியார் கற்பின் பேறு!
ஆயிரத்து எழுநூற்று எழுபத்து இரண்டில்
ஜூன் இருபத்து ஐந்தில் காளையார் போரில்
மன்னனும் கௌரியும் சேர்ந்து மாண்டனர்
மூத்தவள் வேலுநாச்சியார் மட்டும் மருதரால் மீண்டனர்!
கையைப் பிடித்து காட்டுக்குள் அழைத்துச் சென்று
எட்டு ஆண்டு காத்தது மருதிருவர் கரமே!
*வேலுநாச்சி விடுதலை கீதம்*
திண்டுக்கல் வனத்தில் விருப்பாச்சி துணையில்
ஹைதர் அலி அண்ணன் தந்த படையில்
கோபால நாயக்கர் மாமன் தந்த துணையில்
ஆயிரத்து எழுநூற்று எண்பதில் சிவகங்கை மீட்டாள்
இந்தியாவில் முதல் பெண் விடுதலை வாங்கிய வீரமங்கை அவள்!
அந்த விடுதலைக்கு வித்தானது மருதிருவர் விழியே!
மகள் வெள்ளச்சி நாச்சியார் விரைவில் மறைய
மகள் பிரிவில் தாய் வேலுநாச்சியார் 1790-ல் மறைய
தாய்க்குப் பின் தரணி காத்தது மருதிருவர் மொழியே!
*கருமலை - ஜம்புத் தீவு கீதம்*
கருமலை கல்லை எடுத்து காளையார் கோவில் கோபுரம் வைத்தார்
மதுரை தெரியும் கோபுரம் கட்டி கும்மிப் பெண்கள் பாட வைத்தார்!
1801 ஜூன் 16-ல் திருச்சி திருவரங்கம் மதுரை கோட்டையிலே
"ஜம்புத் தீவு பிராமணரே சத்திரியரே வைசியரே சூத்திரரே முசல்மான்களே வாரீர்"
என ஜாதி கடந்து அழைத்த முதல் மன்னர்!
1857-க்கு 56 ஆண்டு முன்பே முழங்கிய முதல் குரல்!
தர்காவுக்கு மானியம் தந்த தயாளர்
சர்ச்சுக்கு மணி தந்த சமத்துவர்
கோயிலுக்கு கோபுரம் தந்த காவலர்!
*திருக்களம்பூர் - குமாரபட்டி தேன் கீதம்*
திருக்களம்பூர் சத்திரத்திலே 1798-ல்
கட்டபொம்மன் - மருதர் கை கோர்த்தனர்
சிவகங்கை கெஜெட் சொல்லும் சத்தியம் அது!
கயத்தாறு காற்றில் கட்டபொம்மன் தொங்கிய பின்
குமாரபட்டி காட்டிலே ஊமைத்துரை ஒளிந்தான்
அடைக்கலம் தந்து ஆதரித்தது மருதிருவர் தான்
1801 வரை குமாரபட்டி தலைமையகம் ஆனது தான்!
விருப்பாச்சி கோபாலர் -மாமன் முறை
ஹைதர் அலி -அண்ணன் முறை
திப்பு சுல்தான் -உயிர் நண்பன் முறை
திப்பு தந்த பீரங்கி சிவகங்கையில்
திப்பு தந்த வாள் சின்ன மருது கையில்
1799 மே 4 திப்பு மாண்ட போது கதறியது மருதர் உள்ளம்!
*எட்டு மனைவி - துரைச்சாமி - பினாங்கு கீதம்*
வீராயி முதல் எட்டு மனைவியர்
எட்டு பேர் கண்ணீர் சிந்த பிள்ளைகள் மாண்டனர்!
பதினான்கு வயது பாலகன் துரைச்சாமி மட்டும் பிழைத்தான்
ராஜய்யன் சொல்வார் சின்ன மருது 3-ம் மனைவி மகன் என்று
Welsh சொல்வார் பெரிய மருது மகன் என்று Vol-1-ல்
தாய் பெயர் ஆவணத்தில் இல்லை - எட்டில் ஒருவர் என்பதே உண்மை!
11-02-1802 Admiral Nelson கப்பலில்
73 பேரோடு தூத்துக்குடி துறையில் இருந்து பினாங்கு
74 நாள் கடல் - 3 பேர் மாண்டனர் - 10 பேர் மனம் பேதலித்தனர்
பகதூர்ஷா ஜாபருக்கு 56 ஆண்டு முன்பே முதல் காலாபானி மருது மகனே!
*திருப்பத்தூர் - பென்சன் - பெண் வாரிசு கீதம்*
24-10-1801 திருப்பத்தூர் கோட்டை
பனைமர தூணில் தூக்கு மேடை
500-க்கும் மேல் - Agnew Report "500 and upwards"
சிங்க கூண்டில் வாளால் குத்தி தூக்கில் இட்டு
2 நாள் தொங்க வைத்து தலை அறுத்து காளையார் வாசலில் வைத்தான்
தென்னக ஜாலியன்வாலாபாக் திருப்பத்தூர் தான்!
1982-ல் ஆணை எண் 1143-ல் 202 பேர் வாரிசு
பெரிய மருது 110 - சின்ன மருது 92
முக்குளம் நரிக்குடி சிறுவயல் வட்டம்
Wikisource பக்கம் 250-ல் பட்டியல் உள்ளது
150-ல் தொடங்கி 11000-மாய் ஸ்டாலின் 2025-ல் ஆக்கினார்!
202-ல் பெண் இல்லை என கல்யாணி கஸ்தூரி 2015-ல் வென்றனர்
V.கனகா C.மரகதம் K.ராஜேஸ்வரி 3 சகோதரி ராமநாதபுரம்
S.M.சுப்பிரமணியம் 11-09-2020 தீர்ப்பு
WA 1234/2021 State vs Kanaga - M.M.சுந்தரேஷ் S.ஆனந்தி 2022 தள்ளுபடி
Article 14-ல் பெண் வாரிசு வென்றது!
முல்லையூர் குரு வளர்த்த பிள்ளை நீ!
கௌரி மாண்டு வேலு பிழைக்க காத்த பிள்ளை நீ!
வெள்ளச்சி பிரிவை தாங்கிய தாய்க்கு துணை நீ!
திருக்களம்பூரில் கட்டபொம்மன் கை பிடித்தவன் நீ!
குமாரபட்டியில் ஊமைத்துரைக்கு குடை பிடித்தவன் நீ!
ஹைதர் திப்பு நட்பை காத்தவன் நீ!
ஜம்புத் தீவில் ஜாதி கடந்தவன் நீ!
திருப்பத்தூரில் ரத்தம் சிந்தியவன் நீ!
பினாங்கு வரை விதை விதைத்தவன் நீ!
*திருமுடிவு - வேங்கைகளின் விடைபெறல்*
முல்லையூர் குருவின் மொழியில் வளர்ந்தோம்
காளையார் கோவில் கல்லில் உயர்ந்தோம்
கௌரி மாண்ட களத்தை கண்டோம்
வேலுநாச்சிக்கு வாழ்வை தந்தோம்
திருக்களம்பூரில் தோளை சேர்த்தோம்
குமாரபட்டியில் குடிலை தந்தோம்
வளரி வீசி வெள்ளையனை விரட்டினோம்
வாளை வீசி தமிழகம் காத்தோம்
ஜம்புத் தீவில் ஜாதியை மறந்தோம்
அம்புத் தீவு முழுதும் நீதி தந்தோம்
திப்பு மாண்டதில் துடித்தோம்
கட்டபொம்மன் தூக்கில் துடித்தோம்
எட்டு மனைவி அழுது நின்றார்
பிள்ளைகள் எழுவர் மாண்டு நின்றார்
திருப்பத்தூர் கழுவில் நாங்கள் தொங்கினோம்
திருப்பமுனை தந்து நாட்டை காத்தோம்
பினாங்கு வரை பிள்ளை சென்றான்
பின்னும் இங்கே புகழ் நின்றான்
இருநூற்று இருவர் இன்றும் வாழ்கின்றனர்
இருநூறு ஆண்டு புகழை காக்கின்றனர்
முக்குலத்தோர் என்று சொல்லாதீர்
முழு தமிழர் என்றே சொல்லுவீர்
மருது என்பது ஜாதி அல்ல,..... நீதி,
மருது என்பது பதவி அல்ல,..... தியாகம்,
வாழ்க மருது நாமம் ! ஓங்குக மருது புகழ் !
வாழிய வாழியவே! *பப்ளிக் ஜஸ்டிஸ்* சார்பாக *வீரவணக்கம்*
*கவிஞர் சீ.க.புலித்தேவன் பாண்டியன்*, ஆசிரியர்
_
கருத்துகள்