--- *பப்ளிக் ஜஸ்டிஸ் எக்ஸ்குளூசிவ் :
*விருதுநகர்:* மாவட்டம் சிவகாசி வட்டார சுகாதார அலுவலராக பணியாற்றிய மரு.ஜெகவீரபாண்டியன் லஞ்ச வழக்கில் கைதானது தொடர்பான *முதல் தகவல் அறிக்கை செய்தி படி .
*FIR-ல் உள்ள பரபரப்பு தகவல்கள்:*
*1. புகார்தாரர் யார்?*
மு.பாண்டீஸ்வரன் (வயது 31), த/பெ.முருகேசன், எதிர்கோட்டை, வெம்பக்கோட்டை. இவர் *TN95 P5648* என்ற நான்கு சக்கர வாகனத்தை *பாண்டீஸ்வரன் டிராவல்ஸ்* என்ற பெயரில் நடத்தி வருகிறார். இந்த வாகனம் *RBSK திட்டத்தின் கீழ் தாயில்பட்டி அரசு ஆரம்ப சுகாதார நிலையத்தில்* (ஜனவரி 2026 - டிசம்பர் 2026) ஒப்பந்த அடிப்படையில் இயங்கி வருகிறது.
*2. மாமூல் கேட்டது எப்படி?*
மாத வாடகையை விடுவிக்க தாயில்பட்டி வட்டார மருத்துவ அலுவலர் மூலம் பணம் கொடுக்க, DD Health ஜெகவீரபாண்டியன் *மாதம் ரூ.2,500 மாமூல்* கேட்டுள்ளார். புகார்தாரர் குடும்ப விசேஷம், வண்டி பராமரிப்பு செலவு என கூறி தவிர்த்து வந்துள்ளார்.
*3. மிரட்டல் - ரூ.22,500 டிமாண்ட்:*
கடந்த *01.10.2026 மதியம் 3 மணிக்கு* சிவகாசி அலுவலகத்திற்கு நேரில் அழைத்து, _"இதுவரை நீ கொடுக்காதது எல்லாம் சேர்த்து மொத்தமா ரூ.22,500 கொண்டு வந்து கொடு"_ என மிரட்டியுள்ளார்.
கஷ்டப்பட்டவன் சார் என கெஞ்சியதால், _"சரி, குறைந்தபட்சம் *ரூ.5,000-ஆவது திங்கட்கிழமை (05.10.2026) கொண்டு வந்து கொடு*, அதுவும் உன்னைப்போல் உள்ள மற்ற வாகன உரிமையாளர்களிடமும் மாதம் ரூ.2,500 வசூல் செய்து கொண்டு வா, அப்படி கொடுத்தால் தான் *செப்டம்பர் 2026 முதல் வாடகை தாமதமின்றி கிடைக்கவும், அடுத்த வருட ஒப்பந்தம் கிடைக்கவும்* நடவடிக்கை எடுப்பேன்"_ என கண்டிப்புடன் கூறியுள்ளார்.
*4. அரசு தரப்பு விசாரணை:*
_"மாமூல் வசூல் செய்து கொடுக்கவோ, என் தரப்பில் இருந்து லஞ்சப்பணம் கொடுக்கவோ எனக்கு விருப்பமில்லை"_ என பாண்டீஸ்வரன் 05.10.2026 காலை 10.15 மணிக்கு புகார் கொடுத்துள்ளார்.
புகாரின் நம்பகத்தன்மை சரிபார்க்கப்பட்டு உண்மை என தெரிந்ததாகவும், எதிரியின் நேர்மை மற்றும் முன்வரலாறு சரிபார்க்கப்பட்டதில் *'மோசம் (Bad)'* என தெரிந்ததாகவும் FIR-ல் இன்ஸ்பெக்டர் *R.பூமிநாதன்* குறிப்பிட்டுள்ளார்.
இதையடுத்து சென்னை SP/SR, DVAC-க்கு தகவல் தெரிவித்து, *05.10.2026 காலை 11.15 மணிக்கு விருதுநகர் V&AC Cr.No.10/26 u/s 7 of PC Act 1988*-ன் கீழ் வழக்கு பதிவு செய்யப்பட்டு, அன்று மாலையே ரசாயனம் தடவிய பணத்துடன் கையும் களவுமாக கைது செய்யப்பட்டார்.
அசல் FIR மற்றும் புகார் மனு, ஸ்ரீவில்லிபுத்தூர் P.C. Act சிறப்பு நீதிமன்றத்தில் சமர்ப்பிக்கப்பட்டுள்ளது.
*5. அடுத்து நடந்த ரெய்டு:*
கைதை தொடர்ந்து திண்டுக்கல் லஞ்ச ஒழிப்புத்துறை இன்ஸ்பெக்டர் ரூபா கீதா ராணி, சின்னாளப்பட்டி வீட்டில் அதிகாலை 1 மணி வரை சோதனை நடத்தி, *ரூ.1.50 கோடி மதிப்பிலான தங்க நகை ஆவணங்கள் (2019-2026), லாக்கர் சாவிகள்* பறிமுதல் செய்தார். நகைகள் மகள் பெயரில் வாங்கப்பட்டது அம்பலமானது.
தற்போது ஜெகவீரபாண்டியன், சுகாதாரத்துறை செயலாளர் தாரேஸ் அகமது உத்தரவின் பேரில் சஸ்பெண்ட் செய்யப்பட்டு, விருதுநகர் மத்திய சிறையில் உள்ளார். ---
கருத்துகள்