190 கோடி அளிப்பதற்கு வடகிழக்கு மாநில மேம்பாட்டு அமைச்சகம் முடிவு செய்துள்ளது. இத்தகவலை மக்கள் நல்வாழ்வு, பிரதமர் அலுவலகம் - மத்திய வடகிழக்கு மண்டல மேம்பாட்டுத் துறை, பணியாளர் நலன், மக்கள் குறைதீர்ப்பு, ஓய்வூதியம், அணுசக்தி, விண்வெளித் துறை இணையமைச்சர் டாக்டர். ஜிதேந்திர சிங் இன்று (ஜூன் 21) தெரிவித்தார். நாட்டில் உள்ள வளரத் துடிக்கும் மாவட்டங்களில் கோவிட் தொற்று குறித்தும், குறிப்பாக வடகிழக்கு மாநிலப் பகுதிகளையும் அவர் ஆய்வு செய்தார். அதற்காக இணைய வழியாக நடைபெற்ற கூட்டத்தில் அவர் பேசியபோது இத்தகவலைத் தெரிவித்தார். இக்கூட்டத்தில் மக்கள் நல்வாழ்வுத் துறைச் செயலர், வடகிழக்கு மாநிலங்களின் “வளரத் துடிக்கும்” 14 மாவட்டங்களைச் சேர்ந்த, துணை ஆணையர்கள், சுகாதாரத் துறை அலுவலர்கள் பங்கேற்றனர். அவர் பேசுகையில், “49 அடிப்படைக் காரணிகளைக் கொண்டு வளரத் துடிக்கும் மாவட்டங்கள் தெரிவு செய்யப்படுகின்றன. அவற்றில் சுகாதார நிலைமை அதிக முக்கியத்துவம் வாய்ந்தது. வளர விரும்பும் ஒவ்வொரு மாவட்டமும் அறிவியல் அடிப்படையில் வடிவமைக்கப்பட்ட நடைமுறையின் கீழ் முக்கிய காரணிகள் மீது கவனம் செலுத்த வேண்டும். அதையடுத்து, நாட்டில் சிறந்த வகையில் செயல்படும் மாவட்டத்தையும் அந்தக் காரணிகளின் அடிப்படையில் அடையாளம் காண வேண்டும்” என்றார். கொரானா தொற்றைச் சமாளிப்பதற்காக பொதுமுடக்கம் அறிவிக்கப்பட்டதற்கு முன்பே வடகிழக்கு மாநிலங்களுக்கான அமைச்சகம் (Ministry of North East - DoNER) ரூ. 25 கோடியை உடனடி நிவாரணமாக அளித்துள்ளது. அதையடுத்து ரூ. 500 கோடியை சிறப்புக் கட்டமைப்பு மேம்பாட்டுத் திட்டத்தின் கீழ் (North East Special Infrastructure Development Scheme - NEISDS) அளித்தது என்றும் அமைச்சர் தெரிவித்தார். ஆயுஷ்மான் பாரத் திட்டம் அசாமில் கோல்பாரா (Goalpara) மாவட்டத்தில் 100 சதவீதம், துப்ரி (Dhubri) மாவட்டத்தில் 85 சதவீதம் செயல்படுத்தப்படுவதைக் குறிப்பிட்டு, டாக்டர் ஜிதேந்திர சிங் பாராட்டினார். நாடு முழுவதும் 150 மாவட்டங்கள் வளரத் துடிக்கின்றன. இத்தகைய மாவட்டங்களின் பட்டியலில் 68ஆவது இடத்தில் இருந்த கோல்பாரா மாவட்டம் ஆறு மாதங்களில் 16 இடத்துக்கு முன்னேறியுள்ளதையும் குறிப்பிட்டு அவர் பாராட்டினார்.
"தானம் வேள்வி தவங் கல்வியாவும் தரணி மீதி விலைபெறச் செய்வேன், வான மூன்று மழைதரச் சொல்வேன்; மாறிலாத வளங்கள் கொடுப்பேன்; ஞான மோங்கி வளர்ந்திடச்செய்வேன்; நான் விரும்பிய காளி தருவாள்". - மஹாகவி பாரதியார் சிவகங்கையிலிருந்து பத்துக் கி.மீ. தொலைவிலுள்ள கொல்லங்குடி கிராம பக்தரின் கனவில் அய்யனார் தோன்றி ஈச்சமரகாட்டில் குடி கொண்டு இருப்பதாகவும் தன்னை வெளியே எடுத்து பூஜிக்குமாறு கூற. அவர் தோண்ட வெட்டியதும் சிலை தென்படவே அந்த அய்யனார் சிலையை எடுத்தனர் அது வெட்டி எடுத்த அய்யனார் என“வெட்டுடைய அய்யனார்“ நாமம் கோவில் அமைத்து பூஜித்தனர். ஆங்கிலேய கிழக்கிந்திய ஆட்சியில் சிவகங்கை இரண்டாம் மன்னர் முத்துவடுகநாதத் தேவர் ஆங்கிலேயரை எதிர்க்க அவர்களால் காளையார் கோவிலில் இரண்டாம் மனைவி கௌரி நாச்சியாருடன் கொல்லபட்டார். அவரது முதல் மனைவி வேலுநாச்சியார...
RNI:TNTAM/2013/50347
கருத்துகள்