பத்து ரூபாய் சென்னை பிரியாணிக்கு கூடிய மக்களை நம்பித்தான் நாளை ஜனநாயகம் மலரும் என நம்புகின்றனர்

பாரசீகத்தில் தோன்றி அந்நாட்டு வணிகர்கள், உலகம் சுற்றுவோர் மூலம் தெற்காசியாவுக்கு வந்தது. இன்று நாம் பிரியாணியைச் சமைக்கும் முறை முகலாயர் காலத்தில் இந்தியாவிலேயே உருவானது. தெற்காசியாவில் மட்டுமல்லாது, தென் கிழக்கு ஆசியாவிலும் அரபு நாடுகளிலும் மேலை நாடுகளில் வாழும் புலம்பெயர்ந்த தெற்காசியர்களும் பிரியாணியின் உள்ளூர் வகைகளை விரும்பி உண்கிறார்கள்.பெர்சிய நாட்டுப் போர்வீரர்களின் உணவே இன்று நாம் அனைவரும் விரும்பிச் சாப்பிடும் `பிரியாணி'. போருக்காக நாட்டைவிட்டு வெகுதூரம் பயணம் செய்யும் வீரர்கள், கையில் கொஞ்சம் அரிசி மற்றும் மசாலாப் பொருள்களை எடுத்துச் செல்வது வழக்கம். போர் நேரம் முடிந்தவுடன், காட்டுக்குள் சென்று அங்கு இருக்கும் மிருகங்களை வேட்டையாடி, ஓய்வெடுக்கும் இடத்துக்குக் கொண்டுவருவார்கள். பிறகு, நாட்டிலிருந்து கொண்டுவரப்பட்ட மசாலா கலவையை, மாமிசம் மீது தடவி, இரவு முழுவதும் ஊறவைத்துவிடுவர். அதிகாலையில், நன்கு ஊறிய மசாலா மாமிசத்தை, அரிசியோடு கலந்து தண்ணீர் ஊற்றி கனமான பொருளைக்கொண்டு இறுக்கமாக மூடிவிடுவர். பிறகு, ஆழமான குழியில் தீ மூட்டி, இந்தக் கலவைப் பாத்திரத்தை அதன் மீது வைத்து அடைத்துவிடுவார்கள். நண்பகல் போருக்குச் செல்வதற்கு முன், நன்கு வெந்து இருக்கும் இந்தச் சாதத்தைச் சாப்பிடுவார்கள். முதலில் வெறும் மசாலாவை மட்டுமே உபயோகப்படுத்திய வீரர்கள், பிறகு நறுமணத்துக்காக அந்நாட்டில் கிடைக்கக்கூடிய சில வாசனைப்பொருள்களைச் சேர்க்க ஆரம்பித்தனர். இப்படி போர் வீரர்கள் சாப்பிட்ட இந்தக் கலவைச் சாப்பாடு, நாளடைவில் அந்நாட்டில் உள்ள இஸ்லாமிய மக்களால் விரும்பிச் சாப்பிடும் உணவாக மாறியது. அங்கிருந்து இந்தியாவுக்குப் பயணித்த முகலாயர்களால் கலவை உணவு, மன்னர் குடும்பம் மட்டும் உண்ணும் `பிரியாணியாய்' உருவெடுத்தது. போர்வீரர்களுக்குப் போதுமான அளவு சத்துடைய உணவு இல்லாததைக் கண்ட ஷாஜஹானின் மனைவி மும்தாஜ், போர்வீரர்களுக்கு பிரியாணியின் செய்முறையைக் கற்றுக்கொடுத்தார். அன்று முதல், இஸ்லாமியர்கள் ஆட்சிசெய்த இடங்களிலெல்லாம் பிரியாணி பரவியிருந்தது. ஹைதராபாத் நிஜாம் ஆட்சிக்காலத்தில்தான் முதன்முதலில் இதில் நெய் சேர்க்கும் முறை உருவானது. பிரிட்டிஷ் ஆதிக்கம் அதிகம் இருந்ததால், அவர்களுக்குப் பரிமாறப்படும் பிரியாணிகளில் நெய் சேர்த்து வழங்கினர். பிறகு, இடத்துக்கு ஏற்றார்போல் பல்வேறு வகையான பிரியாணிகள் உருவாகின. அரண்மனைச் சமையலறை வரை மட்டுமே பரவியிருந்த இதன் ரெசிபி, இந்தியா சுதந்திரம் அடைந்த பிறகு பொதுமக்களுக்கும் போய்ச்சேர்ந்தது. பிரியாணி என்பது அரிசி, மசாலாப் பொருட்களுடன் முட்டை, மற்றும் ஆடு, மாடு, கோழி இறைச்சி, மீன் அல்லது காய்கறிகள் சேர்த்து சமைக்கும் உணவை குறிக்கும். பொதுவாக, பிரியாணி செய்ய பாசுமதி அரிசியைப் பயன்படுத்துவார்கள். பிரியாணி என்னும் சொல் வறுத்த என்ற பொருள் தரும் beryā (بریان) என்னும் பாரசீகச் சொல்லில் இருந்து வந்தது. நமது கலச்சாரத்திற்கு சற்றும் ஒவ்வாத இந்த பிரியாணி நமக்கும் நம் நாட்டில் உள்ள சீதோஷ்ண நிலைக்கும் ஏற்றதல்ல. நம் மக்கள் இலவசம் விரும்பிகள் ஆகவே யார் குறைவாக எதுகொடுத்தாலும் வாங்கும் பழக்கம் தான் பிரியாணி பத்துக் கொடுத்து நூறு லாபம் என்ற உடன் கடையில் குவிந்த மக்கள்.இந்தியாவில் பிரியாணி எனும் உணவு வகை மக்கள் 1970 க்குப் பின் பத்து சதவீத மக்களிண் எப்போதோ ஒருநாள் விருந்துணவாக இருந்தது இப்போது மிகவும் கொடுமையாக மக்கள் அரபுநாட்டு உணவான பிரியாணிக்கு அடிமைப்பட்டுப் போயுள்ளனர் அது இப்போது எங்கு பார்த்தாலும் பிரியாணிக் கடைகள் நமது கலாச்சார உணவுப் பழக்கம் காணாமல் போக இதுவும் ஒருகாரணம். விருதுநகர் மாவட்டம் அருப்புக்கோட்டையிலிருந்து திருச்சுழி செல்லும் சாலையில் நேற்று புதிதாக பிரியாணிக் கடை திறந்த நபர் கடை பிரபலப்படுத்த திறப்பு விழாச் சலுகையாக ஒரு அறிவிப்பு வெளியிட்டார் அதில் கடையின் திறப்பு விழாவன்று 10 ரூபாய் கொடுத்துப் பிரியாணி பார்சலைப் பெற்றுச் செல்லலாம் என அறிவிக்கவே. 10 ரூபாய் நாணயத்துடன் 500 க்கும் மேற்பட்டோர் குவிந்தனர். பிரியாணி வாங்கப் பொதுமக்கள் முண்டியடித்ததால், கொராணாவில் சமூக இடைவெளி காற்றில் பறந்தது , அந்தப் பகுதியில் கடுமையான போக்குவரத்து நெரிசலும் ஏற்பட்டது. சம்பவ இடத்திற்கு வந்த காவல்துறையினர் கூட்டத்தைக் கலைத்து போக்குவரத்தை நெரிசலை சீரமைத்தனர். பின், அரசு உத்தரவை மீறி முன்அறிவிப்பு இன்றி அதிக அளவில் கூட்டம் கூட வைத்த, கடை உரிமையாளர் ஜாகீர் உசேன் என்பவர் மீது காவல்துறை 5 பிரிவுகளில் வழக்குப்பதிவு செய்துள்ளனர்.