ரூபாய் 60 லட்சம் 2 கிட்னி பணமதிப்பிழப்பு நேரத்தில் அறுபது லட்சம் மோசடி உண்மையா காவல்துறை வழக்குப் பதிந்து விசாரணை

ரூபாய். 60 லட்சத்திற்கு 2 கிட்னி காரைக்குடியில் நூதன மோசடி சிவகங்கை மாவட்டம் காரைக்குடி அருகில் பாரிநகர் அதியமான் தெரு பெருமாள் மகன் பூமாலை (வயது 54). கந்து வட்டித் தொழில் செய்கிறார். இவரது இரண்டு சிறுநீரகங்களும் பாதிக்கப்பட்டதால் மருத்துவமனையில் சிகிச்சை பெறுகிறார். அவரது குடும்பத்தினருடன் சுப்ரமணியபுரத்தைச் சேர்ந்த நெப்போலியன், அவரது தங்கை நான்சி ஆகியோர் நெருங்கிப் பழகியதில் இவர்கள் பிரபல தனியார் மருத்துவமனையில் பணிபுரிந்து வருவதாகவும், தாங்கள் பணிபுரியும் மருத்துவமனையில் சிறுநீரக அறுவை சிகிச்சை செய்ய ஏற்பாடு செய்வதாகவும் பூமாலையிடம் கூறியதை நம்பி பூமாலை குடும்பத்தினர் கடன் வாங்கியும்.. ? நகைகளை அடமானம் வைத்தும் 2016 ஆம் ஆண்டு ரூபாய்.60 லட்சம் கொடுத்ததாகவும் ஆனால் இதுவரை சிறுநீரக அறுவை சிகிச்சை செய்ய ஏற்பாடு செய்யாதோடு, பணத்தையும் தரவில்லை. மேலும் பணத்தைக் கேட்கச் சென்ற பூமாலையையும், அவரது நண்பர்களையும் நெப்போலியன் குடும்பத்தினர் அவதூறாகப் பேசி, கொலை மிரட்டல் விடுத்ததாகவும் நெப்போலியன், நான்சி, அவர்களது தந்தை அருளாந்துசாமி, தாயார் புஷ்பா, ஆகிய நான்கு பேர் மீது காரைக்குடி வடக்கு காவல்துறையில் புகார் பேரில் வழக்கு பதிந்து விசாரித்து வருகின்றனர். இந்த அறுபது இலட்சம் பணம் இந்திய அரசின் 1000 மற்றும் 500 பணமதிப்பிழப்பு நேரம் கொடுத்துள்ள ஆண்டு புகாரில் உள்ள நிலையில் இதில் வருமானவரித்துறை பார்வை அவசியம் காரணம் இதுபோன்ற பல கந்துவட்டிக் கும்பல் கொடுக்கல் வாங்கல் என்ற பெயரில் 100 க்கும் மேல் முறையான அனுமதி லைசன்ஸ் இல்லாமல் செயல்படும் நிலையில் இப்போது இப்படி ஒரு வினோதமான புகாரில் வழக்கு பதிவான நிலையில் வருமானவரித்துறை விசாரணை வந்தால் உண்மை வெளிவரும்