இலஞ்சம் பெறும்போது பிடிபட்ட செக்கானூரணி பெண் காவல் ஆய்வாளர் அனிதா சிறையிலடைப்பு பணிவிடுவிப்பு

மதுரை மாவட்டம், திருமங்கலம் தாலுகா பொன்னமங்கலத்தைச் சேர்ந்த முத்துவுக்கும், நல்லதம்பிக்குமிடையே முன்விரோதமிருந்தது. கடந்த 2017 ஆம் ஆண்டு செப்டம்பர் மாதம் ஏற்பட்ட தகராறில் முத்துவும், அவரது மனைவியும் தாக்கப்பட்டது குறித்த புகாரின் செக்கானூரணி காவல்துறையினர் நல்லதம்பி உட்பட 7 பேர் மீது வழக்குப் பதிவு செய்து கைது செய்யப்பட்டனர்.  இவ் வழக்கை விசாரித்த சார்பு ஆய்வாளர் ஒருவர் விசாரணை செய்து குற்றப்பத்திரிக்கை தாக்கல் செய்யாமல் விட்டுள்ளார். வழக்கு தொடர்பாக சமீபத்தில் குற்றப்பத்திரிகை தயாரிக்க நடவடிக்கை எடுக்கப்பட்டதை அறிந்த நல்லதம்பி, அடிதடி சம்பவத்திற்கு சம்பந்தமில்லாத தனது மகன்கள் மாரி, கமலக்கண்ணன் ஆகியோர் பெயர்களை குற்றப்பத்திரிகையிலிருந்து நீக்கக் கோரி தற்போது பணியில் இருந்த செக்கானூரணி காவல் ஆய்வாளர் அனிதாவை அணுகினார்.  இருப்பினும், மூவரின் பெயர்களை நீக்க, காவல் ஆய்வாளர் ரூ. 1 லட்சம் வரை லஞ்சம் கேட்கவே நல்லதம்பி பேரம் பேசி ரூபாய். 80 ஆயிரம் தருவதாக சம்மதித்து, முதல் தவணையாக ரூபாய். 30 ஆயிரம் தருகிறேன், பெயர்களை நீக்கியதும் மீதத் தொகை கொடுப்பதாக ஒப்புக்கொண்டு சமரசமாகப் பேசிய நிலையில் இலஞ்சப்பணம் கொடுக்க விரும்பாத நல்லதம்பி மதுரை இலஞ்ச ஒழிப்பு மற்றும் ஊழல் தடுப்பு கண்காணிப்புத்துறை புகாரில் காவல்துறை யோசனைப்படி, பினாப்தலின் இரசாயனம் தடவிய 30 ஆயிரம் ரூபாய் மதிப்புள்ள நோட்டுகளுடன் நேற்று நவம்பர் 26 முன்னிரவில் செக்கானூரணி காவல் நிலையத்திற்குஅரசுதரப்புச் சாட்சியுடன் சென்று பணியிலிருந்த காவல் ஆய்வாளர் அனிதாவிடம் ரூபாய். 30 ஆயிரத்தைக் கொடுத்த போது, மறைந்திருந்த இலஞ்ச ஒழிப்புப் பிரிவு டிஎஸ்பி சத்யசீலன் தலைமையிலான ஆய்வாளர்கள் ரமேஷ்பிரபு, குமரகுரு, கண்ணன், சூரியகலா அடங்கியோர் குழு கையும், களவுமாக சிக்கிய அனிதாவைப் பிடித்தனர்.  நல்லதம்பியிடம் இருந்து வாங்கிய லஞ்சப்பணத்தையும் பறிமுதல் செய்து, அவரது கைகளை சோடியம் கார்பனேட் கரைசலில் சோதித்துப்பார்த்துத் தொடர் விசாரணை நடத்திய பின் காவல் ஆய்வாளராக இருந்த அனிதாவை அதே காவல் நிலையத்தில் மதுரை இலஞ்ச ஒழிப்பு மற்றும் ஊழல் தடுப்புத்துறையினர் மதுரை சிறப்பு நீதிமன்றத்தில் ஆஜர்படுத்த்திய பின் அனிதா சிறையில் அடைக்கப்பட்டார். இலஞ்சம் வாங்கிக் கைதான காவல் ஆய்வாளர் அனிதாவைத் தற்காலிகப் பணி நீக்கம் செய்ய மதுரை சரக டிஐஜி இராஜேந்திரன் நடவடிக்கை எடுத்துள்ளார். கைது செய்யப்பட்ட அனிதா, திண்டுக்கல் மாவட்டம், நத்தம் பகுதியைச் சேர்ந்தவர். இவரது கணவர் செங்கல் சூளை வைத்து நடத்துகிறார். 2004 ஆம் ஆண்டில் எஸ்.ஐ-யாக பணியில் சேர்ந்து, 2014 ஆம் ஆண்டில் ஆய்வாளராக பதவி உயர்வு பெற்று 2020 ல் இலஞ்சம் வாங்கி கைதாகிச் சிறை சென்றார். என்பது குறிப்பிடத்தக்கது.