கள்ளக்குறிச்சி கோவில் நிலத்தில் மாவட்ட ஆட்சியர் அலுவலக வளாகம் அமைக்க சென்னை உயர்நீதிமன்றம் தடை

தமிழகத்தில் பழைய ஆற்காடு ஜில்லா பின் தென்னார்க்காடு ஜில்லா பின் விழுப்புரம் மாவட்டம் அதிலிருந்து புதிதாக உருவான கள்ளக்குறிச்சி மாவட்டத்துக்கு, அர்த்தநாரீஸ்வரர் கோவில் ரயத்து நிலத்தில் மாவட்ட ஆட்சியர் அலுவலகம் அமைக்கும் பணிகளை நிறுத்தி வைக்கும்படி சென்னை உயர் நீதிமன்றம் உத்தரவிட்டுள்ளது. ஸ்ரீ அர்த்தநாரீஸ்வரர் கோவிலுக்குச் சொந்தமான 35 ஏக்கர் ரயத்து நிலத்தை அரசுக்கு ஒப்படைக்க முடிவு செய்யப்பட்டதை எதிர்த்து சென்னை உயர் நீதிமன்றத்தில் திருச்சி ரங்கராஜன் நரசிம்மன் மனு தாக்கல் செய்தார். அது நேற்று நவம்பர். 27 ஆம் தேதி நீதிபதிகள் சத்தியநாராயணன் மற்றும் ஹேமலதா ஆகியோர் அடங்கிய அமர்வில் விசாரணைக்கு வந்த போது மனுதாரர் தரப்பில், "கள்ளக்குறிச்சி ஆட்சியர் அலுவலகம் அமைக்க கோயில் நிலத்தை அரசுக்கு வழங்குவது தொடர்பாக கடந்த அக்டோபர் 29 ஆம் தேதி இந்து சமய அறநிலையத்துறை ஆணையர் பொதுமக்களிடம் கருத்துக் கேட்புக் கூட்டம் நடத்தியதாக தெரிவிக்கப்பட்டது. ஆனால், கருத்துக் கேட்புக் கூட்டம் நடப்பதற்கு ஆறு நாட்களுக்கு முன்பே முதல்வர், மாவட்ட ஆட்சியர் அலுவலகம் அமைக்க அடிக்கல் நாட்டி கட்டுமான பணிகள் தொடங்கி விட்டதாக தெரிகிறது எனவும், 100 கோடி மதிப்புள்ள நிலத்தை அரசுக்கு 1 கோடியே 98 லட்சம் ரூபாய்க்கு வழங்க முடிவெடுக்கப்பட்டுள்ளதாகவும் மனுதாரர் தரப்பு, மாவட்ட ஆட்சியர் அலுவலகம் அமைக்கும் கட்டுமான பணிகளுக்குத் தடை விதிக்க வேண்டும் எனவும் வாதிட்டார்கள். இந்து சமய அறநிலையத்துறை சார்பில், கருத்துக்கேட்புக் கூட்டத்தின் அடிப்படையில் கோயில் நிலத்தை அரசுக்கு சொந்தமாக வழங்குவதற்கு பதிலாக குத்தகைக்கு நிலத்தை வழங்க தற்போது அறநிலையத்துறை ஆணையர் பரிந்துரை செய்துள்ளதாகவும், பரிந்துரையின் மீது அரசின் முடிவுக்குக் காத்திருப்பதாகவும் விளக்கமளிக்கப்பட்டது. இரு தரப்பு வாதங்களையும் கேட்ட நீதிபதிகள், இந்த மனு தொடர்பாக டிசம்பர் 9 ஆம் தேதிக்குள் பதிலளிக்க தமிழக அரசு மற்றும் இந்து சமய அறநிலையத் துறைக்கு உத்தரவிட்டனர். அதுவரை ஆட்சியர் அலுவலகம் அமைப்பது தொடர்பான பணிகளை நிறுத்தி வைக்கும்படி இடைக்கால உத்தரவிட்டனர். கள்ளக்குறிச்சி வீரசோழபுரம் ஸ்ரீ அர்த்தநாரீஸ்வரர் கோவில்இடத்தை மாவட்ட ஆட்சியர் அலுவலகம் கட்ட கொடுக்கக்கூடாது என முன்பே கோரிக்கை மனுவும் தரப்பட்டது. அருள்மிகு அர்த்தநாரீஸ்வரர் திருக்கோயில் நிலத்தை கள்ளக்குறிச்சி மாவட்ட ஆட்சியர் பெருந்திட்ட வளாகம் கட்ட இடம் கொடுக்கக் கூடாது என ஆட்சேபனை தெரிவித்து இந்துசமயஅறநிலைய துறை ஆணையர் பிரபாகரன் இ.ஆ.ப விடம் இந்து தமிழர் கட்சி நிறுவனத் தலைவரான இராம. இரவிக்குமார், மற்றும் ஆன்மீக இந்து மத கட்சி நிறுவனத் தலைவர் ஜெயம் எஸ் கே கோபி, இந்து தமிழர் கட்சி மாநில குழு உறுப்பினர் சோலை வீரமணி, திருவல்லிக்கேணி பி.முருகன் ஆகியோர் சேர்ந்து 28 அக்டோபர் 2020 ல் மனு அளித்தனர். அருள்மிகு அர்த்தநாரீஸ்வரர் திருக்கோவில் திருப்பணி சம்பந்தமாக உயர்மட்டக் குழுவினரும் முன்பே ஆய்வுக்காகச் சென்றிருக்கிறார்கள். பழமை மிகுந்த கோவில் என்பதால் திருப்பணிக்குத் தடையில்லா சான்று கொடுக்க உயர்மட்டக் குழுவின் ஒப்புதல் பெற்ற பிறகு ரூபாய் இரண்டரை கோடிக்கு மேலாக திருப்பணிக்கு செலவாகும் அதைச் செய்ய தயாராக இருக்கிறோம் என்றார்கள். இந்த திருக்கோயில் சம்பந்தமான வழக்கு நீதிமன்றத்தில் நிலுவையில் இருக்கின்ற காரணத்தால் குடமுழுக்கு சம்பந்தமாக எங்களால் தற்போது ஏதும் செய்ய முடியவில்லை. விரைவில் கும்பாபிஷேகத் திருப்பணிகள் நடைபெறும் அதற்கான நடவடிக்கையில் இந்து சமய அறநிலைத்துறை எடுக்கும் என்றும் உறுதியளித்தார்கள். அதற்கு குழுவினர் கள்ளக்குறிச்சி மாவட்ட ஆட்சியர் பெருந்திட்ட வளாகம் கட்டுவதற்கு எத்தனையோ அரசாங்கத்தின் புறம்போக்கு தரிசு நிலங்கள் இருக்கிறது. அப்படி இருக்கக் கூடிய சூழ்நிலையில் திருக்கோயில்களுக்கு நமது முன்னோர்கள் எந்த நோக்கத்திற்கு ரயத்து நிலங்களை வழங்கினார்களோ அந்த நோக்கத்தை விட்டு, வேறு எந்தப் பயன்பாட்டிற்கும் திருக்கோயில் நிலங்களைப் பயன்படுத்தக்கூடாது; என குழு கருத்து ஆகவே வேண்டாம் என்றார்கள். மேலும் ஆட்சேபனை தெரிவிக்க 29 அக்டோபர் 2020 கடைசி நாள் என்று இருந்த சூழ்நிலையில் வீரசோழபுரம் கோவில் இடத்தில் அரசாங்கப் பணிகள் செய்வது விதி மீறல் என்று தெரிவித்தார்கள் மனுவை பெற்றுக் கொண்டு மனுவின் மீது நடவடிக்கை எடுப்பதாக ஆட்சியர் உறுதியளித்தார். அதன் அடிப்படையில் நடவடிக்கை ஏடுக்கத் தாமதமாகவே.சம்பந்தப்பட்டவர்கள் நீதிமன்றம் மூலம் தடை பெற்ற நிகழ்வாகும். "உமையும் உமையொரு பாகனும் ஏகவுருவில் வந்திங்கு எமையும் தமக்கன்பு செய்ய வைத்தார் இனியெண்ணுதற்கு சமையங்களும் இல்லை ஈன்றெடுப்பாள் ஒரு தாயுமில்லை அமையும் அமையுறுதோளியர் மேல்வைத்த ஆசையுமே" -அபிராமி அந்தாதி.