தமிழ்நாடு காங்கிரஸ் கமிட்டியின் முன்னாள் தலைவர் திண்டிவனம் இராமமூர்த்தி உடல் நலக்குறைவு காரணமாக இன்று காலமானார்.
1934 ஆம் ஆண்டு பிறந்த இராமமூர்த்தி இந்திய தேசிய காங்கிரஸ் கட்சியின் உறுப்பினராகவும் தமிழக காங்கிரஸ் கட்சியில்
1967 ஆம் ஆண்டு முதல் 1978 ஆம் ஆண்டு வரை தமிழக காங்கிரஸ் கமிட்டியின் பொதுச் செயலாளராகவும் இருந்துள்ளார். 1967, 1971 ஆம் ஆண்டுகளில் சட்டமன்ற உறுப்பினராகவும், 1976 ஆம் ஆண்டு முதல் 1984 ஆம் ஆண்டு வரை எம்எல்சி எனும் சட்டமன்ற மேலவை உறுப்பினராகவும்,
1984 ஆம் ஆண்டு முதல் 1990 ஆம் ஆண்டு வரை நாடாளுமன்ற மாநிலங்களவை உறுப்பினராகவும் பதவி வகித்துள்ளார்.
87 வயதில் உடல்நலக் குறைவால் கிழக்குக் கடற்கரைச் சாலையிலுள்ள அவரது வீட்டில் காலமானார். அவருடைய உடல் பொதுமக்கள் அஞ்சலிக்காக வைக்கப்பட்டுள்ளது.அவரது மறைவுக்கு காங்கிரஸ் கட்சியின் மூத்த தலைவர்கள், கட்சியின் சட்டமன்ற உறுப்பினர்கள், நாடாளுமன்ற உறுப்பினர்கள் மற்றும் பல்வேறு அரசியல் கட்சிகளின் தலைவர்களும் ஆழ்ந்த இரங்கலைத் தெரிவித்துள்ளனர்.
மாநிலங்களவை உறுப்பினர், சட்டமன்ற உறுப்பினர், சட்டமேலவை எதிர்க்கட்சித் தலைவராக இருந்தவர் திண்டிவனம் ராமமூர்த்தி. சரத்பவாரின் தேசியவாத காங்கிரஸ் கட்சியின் தமிழ் மாநில தலைவராகவும் இருந்தார்.
கருத்துகள்