கீழடி அகழாய்வுத் தளம் கொந்தகையில்.சூதுபவள மணிகள்

சிவகங்கை மாவட்டம் கீழடி அகழாய்வுத் தளங்களில் ஒன்று கொந்தகை அதில் கிடைத்த ஈமத்தாழியில் 29 சூதுபவள மணிகள் முதன் முதலாக வந்தது.

தமிழர்களின் மரபுவழி பண்டைய வரலாற்றை உணர்த்தும் சிவகங்கை மாவட்டம் கீழடி மற்றும் சுற்றுப் பகுதிகளில் அகழாய்வுப் பணிகள் நடத்தப்படுகின்றன.  ஏழு கட்ட அகழாய்வுப் பணிகள் நிறைவடைந்த நிலையில், 2022 ஆம் ஆண்டு பிப்ரவரி மாதம் எட்டாவது கட்ட அகழாய்வுப் பணிகள் துவங்கி நடைபெறுகிறது.

 கொந்தகை அகழாய்வு தளத்தில் நடைபெற்ற மூன்றாவது  கட்ட அகழாய்வுப் பணியின்போது, ஒரே குழியில் அருகருகே 10 முதுமக்கள் தாழி  கண்டுபிடிக்கப்பட்டது. இது வரலாற்று ஆராய்ச்சியாளர்களிடையே மிகுந்த ஆர்வத்தை ஏற்படுத்தியுள்ளது , கீழடி, அகரம், கொந்தகையில் தொடர்ந்து அகழாய்வுபீ பணி நடந்து வருகிறது.

 கொந்தகையில் ஏழுக்கும் மேற்பட்ட எலும்புக் கூடுகள், பத்துக்கும் மேற்பட்ட

முதுமக்கள் தாழிகள், இறுதிச் சடங்குக்கு பயன்படுத்தப்பட்ட பானைகளும் கண்டெடுக்கப்பட்ட நிலையில் கீழடி அகழாய்வு தளங்களில் ஒன்றான கொந்தகையில் தற்போது ஈமத்தாழி ஒன்றிலிருந்து 29 சூதுபவள் மணிகள் முதன்முதலாக கிடைத்தன.

சூதுபவள மணிகள் பீப்பாய் வடிவத்தில், உள்ளவை அக்காலத்தில் ஆபரணங்களாகக் கோர்க்கப்பட்டு பயன்படுத்தப் பட்டிருக்கலா மெனவும் தெரிவிக்கின்றனர். மேலும் இறந்தவரின் மதிப்பு மிக்க பொருளில் ஒன்றாக சூதுபவள மணிகள் இருந்திருந்தால் அதை அவர் புதைக்கப்பட்ட ஈமத்தாழிக்குள் வைத்து புதைத்திருக்கலாமென தொல்லியல் ஆய்வாளர்கள் தகவல்.

முதன் முதலாக கொந்தகையில் இத்தகைய சூதுபவள மணிகள் ஈமத்தாழிக்குள் இருந்து கண்டறிப்பட்டுள்ளது. தமிழர்கள் வாழ்வியல் வரலாற்றில் ஒரு படிமானமாகும்.