முழுப் பின்னணி: *நடந்தது என்ன?*
தஞ்சாவூர் புதிய பேருந்து நிலையம் அருகே உள்ள *A to Z Speciality Hospital* பங்குதாரர்களுக்கு இடையே வருவாய் பங்கீடு பிரச்சனை. ஒரு தரப்பு பங்குதாரர் ஜெயஸ்ரீ (டாக்டர் ராமசாமி மனைவி) கொடுத்த புகாரில், இன்னொரு பங்குதாரர் *சரவணன்*, அவரது சித்தப்பா பாஸ்கரன் மீது PCR உள்ளிட்ட 3 பிரிவுகளில் வழக்கு பதிவு.
*திருப்பம்:*
இந்த விவகாரத்தில் தலையிட்டதாக கூறப்படும் *திருச்சிராப்பள்ளி மண்டலக் காவல்துறைத் தலைவர் பாலகிருஷ்ணன்* மீதும் ஒருதலைபட்சமாக செயல்பட்டதாக புகார் எழுந்தது. பங்குதாரர் சரவணன், *DGP-யிடம் CBCID விசாரணை* கோரி மனு கொடுத்தார். அந்த மனு CBCID-க்கு மாற்றப்பட்டது.
CBCID விசாரணையில் சரவணன் கொடுத்த வாக்குமூலம் தான் அதிர்ச்சி:
> _"எங்கள் மீது புகார் பதிவான நிலையில் தஞ்சை வந்த காவல்துறை தலைவர் 3 நாள் தங்கி சமரசம் பேசுவது போல் பேசி ₹5 கோடி வரை பணம் பறித்தார். பணமாகவும், காசோலையாகவும் கொடுத்தேன். இது எல்லாம் தஞ்சை DCP இன்ஸ்பெக்டர் *சுகுமாரன்* வீட்டில் வைத்து, அவர் மூலமே பரிமாற்றம் நடந்தது."_
*நடவடிக்கை:*
நேற்று காலை 6.30 மணிக்கு 15-க்கும் மேற்பட்ட CBCID போலீசார், தஞ்சாவூர் நாஞ்சிக்கோட்டை சாலை விக்டோரியா அவென்யூவில் உள்ள இன்ஸ்பெக்டர் சுகுமாரன் (50) வீட்டில் 7 மணி நேரம் சோதனை நடத்தி, செல்போன்கள், ஆவணங்கள் கைப்பற்றி, ரகசிய இடத்தில் வைத்து விசாரித்து *கைது செய்தனர்*.
மேலும் கோவை வழக்கறிஞர் விஜயராகவன், மருத்துவமனை உரிமையாளர் சரவணன் வீடுகளிலும் சோதனை நடந்தது.
இப்போது CBCID விசாரணை உயர் அதிகாரிகள் வரை நீளுமா என்பது தான் கேள்வி.
கருத்துகள்